भगवान नो चाकर्यो अने
1 ए भायु-बेन्या, मे तमारी ह़ाते वात नी कर सक्यो, जीसम आत्मा नी अनसारे चालवा वाळा माणहु ह़ाते वात करु। पण मने तमारी ह़ाते ईसम वात करवा पड़ी, जीसम आहयी कळी ना माणहु ह़ाते वात करु, मतलब जे मसी मे पक्का नी हया, तीमनी ह़ाते वात करु, तेमेत तमारी ह़ाते वात करवा पड़ी। 2 3:2 ईब्रानीयो 5:12,13मे तमने दुद पीवाड़्यो, खाणु नी खवाड़्यो; काहाके तमु खाणु नी खाय सकता हता, अने हमणे बी नी खाय सकता। 3 काहाके तमु हमणे बी डील ना अनसारे जीव र्या। हमणे बी तमारी मे डहवाय अने झगड़ा से, अने तमु आहयी कळी ना माणहु नी अनसारे जीव र्या ता तमु आहयी कळी ना माणहु नी अनसारे जीव्वा वाळा नी हय ह़ु? 4 3:4 1 कुरन्थी 1:12तमारी माय्न कानो केय, "पोलुस मारो मास्तर से" अने कानो केय, "अपुल्लोस मारो मास्तर से।" एम करीन तमु आहयी कळी ना माणहु नी अनसारे जीव र्या?
5 ता तमुत केवो, अपुल्लोस, अने पोलुस ना बारा मे तमारु ह़ु केणु पड़े? तीहया नीस्ता पावर्या से। अने तमु अमारी लारेत ईसु पोर भरहो कर्या, आमु ते मालीक ह़ोपलु तीहयुत काम करला से। 6 3:6 नेवताळा ना काम 18:4-11; नेवताळा ना काम 18:24-28मे बीज वेरलो से, अने अपुल्लोस पाणी देदलो से, पण भगवान बीज ने उगाड़ीन रोपा ने वदाड़लो से? 7 एतरे वेरवा वाळो बी मोटो नी हय, अने पाणी देवा वाळो बी मोटो नी हय, पण मेर ने वदाड़वा वाळो भगवान मोटो से। 8 वेरवा वाळा नु अने पाणी देवा वाळा नु एक ह़रकु काम से, पण भगवान आमने जेवु काम करहे तेवीत दाड़की आपहे।
9 काहाके आमु भगवान ह़ाते काम करन्या साजल्या से। तमु भगवान नी मेर वाळु खेतर से। अने भगवान नो बणावलो बंगलो से। 10 भगवान मने जेम दया आपलो से, तीनात अनसारे मे एक हुनर ह़ीकलो मीस्तरीन तेम नीव नाखलो से, पण तीहया नीव पोर भीतड़ु ते बीजा बांदे। पण आखा माणहु ने चेतीन रेवा जोवे के भीतड़ु कीसम बांदे। 11 काहाके ईसु मसी नीव से। अने ईसु ने सोड़ीन बीजो कानो बी पायो नी हय। 12 कदीम माणहु आहयी नीव पोर भीतड़ु बणाव्वा करीन मोगलो दगड़ो, नीता चांदी, नीता ह़ोनु, नीता लाकड़ु नीता चारो वापरे, 13 नीयाव ना दाड़े आखु काम उजन्तु हय जहे, काहाके तीहयो नीयाव नो दाड़ो आखु कंय उजन्तु कर देहे। तीहयो नीयाव नो दाड़ो आक्ठु भेळ उजन्तो हयहे; अने तीहयु आक्ठु आखा ना कामु ने उजन्ता कर देहे। अने देखाड़ देहे के, तीमना कामु केवा से? 14 कदी मे जीनु काम तीहया पाया पोर टेकलु रेहे, ता तीहयो टेकलो रेहे। अने तीने ईलाम जड़हे। 15 कदी मे कोय नु काम धप जहे ता तीहयो नुकसान झेलहे; पण तीहयो आह़फो धपतो-धपतो बच जहे
16 3:16 1 कुरन्थी 6:19; 2 कुरन्थी 6:16 तमु भगवान ना मंदीर से, अने भगवान नी आत्मा तमारी मे से आहयी वात तमने मालम नी हय ह़ु। 17 कदीम कोय भगवान ना मंदीर ने खुटाड़ देहे, ता भगवान बी तीने खुटाड़ देहे। काहाके भगवान नो मंदीर चोखलो से अने तीहयो मंदीर तमुत से।
18 खुद ने धोको ना देवो। कदीम तमारी माय्न कानो आह़फा ने आहयी कळी मे अक्कल वाळो ह़मजतो हय ता आह़फा ने वण-अकल्यो बणाय लेय; आनीन करीन के तीहयो अक्कल वाळो बण जाय। 19 काहाके भगवान नी नींगा मे आहयी कळी नी अक्कल ते वण-अक्कल से। जीसम खरला सास्तर मे लीखलु बी से, "भगवान अक्कल वाळा ने तीमनीत कदर मे फसाड़ देय।" 20 अने भगवान मालीक ते आखा माणहु ना वीच्यार जाणे, तीनी नींगा मे तीहया वीच्यारु वादळान तेम से जे वीसळाय जाय। 21 एतरे काना बी माणहु पोर मोटाय नी करवा जोवे, काहाके आहयु आखु तमारुत से; 22 भले तीहयो पोलुस हय, भले तीहयो अपुल्लोस हय, भले तीहयो पतरस हय, भले आहयी कळ हय, भले जीवाय हय, भले मोत हय, भले आज नी टेम हय, भले आव्वा वाळी टेम हय आखु तमारुत से: 23 अने तमु ईसु मसी ना से अने ईसु मसी भगवान नो से।