2 पतरस 3

3 ✝3:3 यहुदा 1:18पेले आहयु जाण लेवो के आखरी दाड़ा मे ठट्‌टा करवा वाळा आवहे जे आह़फाम नी लालच नी अनसारे चालहे। 4 अने तीहया पुछहे, "तीने आव्‌वा नो वायदो कां जत र्‌यो? काहाके जत्‌यार गेथा आड़ा-बुड़ा मर जेला से, आखु तेमेत से जीसम धरती बणली ने हतु।" 5 तीहया ते जाण बुजीन आहयु भुल ज्‌या के भगवान ना बोल ना लारे ह़रग पेले गेथुत बणलु से, अने धरती बी पाणी मे गेथी बणावली से अने पाणी नी लारे, 6 आनीन करते तीहया जमाना नी कळ पाणी मे डुबीन खत्‌तम हय जेली। 7 पण हमणे नी टेम ना ह़रग अने कळी तीहया भगवान ना बोलु नी लारे आनीन जुगु मेकला से, के धपाड़ देय; अने तीहया भक्‌ती नी करन्‌या माणहु ना नीयाव अने खत्‌तम हयवा ना दाड़े तक आसमेत मेकला रेहे।