लाजर नी मोत
1 11:1 लुका 10:38,39 बेतन्या गाम मे तीन भाय-बेन्या रेता हता, लाजर अने तीनी बे बेनेह मारथा अने मरीयम। 2 11:2 युहन्ना 12:3आहयी मरीयम मालीक ईसु ना पोगु पोर ईत्तर रेड़ीन नीम्बाळा वेते तीना पोगु नुसवा वाळी हती, आनोत भाय लाजर मांदलो हतो। 3 लाजर ना बेन्या ईसुन्तां आहयु की मोकल्या, "ए मालीक! ह़मळ, जीने तु मोंग करे तीहयो मांदलो से।"
4 आहयी वात ह़मळीन ईसु केदो, आहयी मंदवाड़ मारवा नी नी हय, पण भगवान नी बड़ाय ना लेदे से, तीना लारे भगवान ना बेटा नी बड़ाय हये।
5 ईसु लाजर ने अने तीना बेन्या मारथा अने मरीयम ने मोंग करतो हतो। 6 जत्यार ईसु ह़मळ्यो, के लाजर मांदलो से, ता ईसु जां हतो तां बे दाड़ा अळी री ज्यो। 7 बे दाड़ा वीत ज्यान अळतेण ईसु चेला ने केदो, "चालो आपणु अळी युहद्या मे जता।"
8 चेला ईसु ने केदा, "हे गुरु! पेले ते युहदी दगड़ाटीन मारवा हींडता हता, अने तु अळी तात जवा हींड र्यो?"
9 ईसु जपाप आप्यो, "दीह़ु ना बारे घंटा नी हवे ह़ु? कदी कोय दीह़ु चाले, ता तीहयो ठेहवाय नी, काहाके तीनी जुगु देखवा ना लेदे कळी नु वीजाळु से। 10 पण कोय अंदारला मे चाले, तीहयो ठेहवाय जाय काहाके तीनी जुगु देखवा करीन वीजाळु नी हय।" 11 ईसु आहयी वात केदो, अने अळतेण तीमने केदो, आपणो दोस्तीदार लाजर ह़ुय जेलो से; पण मे तीने जगाड़वा जाम।
12 तत्यार चेला तीने केदा, "ए मालीक! कदी तीहयो ह़ुय र्यो हहे, ता आरगो हय जहे।"
13 ईसु ते लाजर नी मोत ना बारा मे केदलो, पण चेला ह़मज्या के लाजर नींदर मे ह़ुव्वा बाज र्यो हहे। 14 ता ईसु तीमने चोखुझण की देदो, लाजर मर जेलो से।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)