Lucas 19

फाळो लेवा वाळो जक्‌कय

1 एक दाड़े ईसु यरीहो ह़ेर मे हतीन जवा बाज रेलो हतो। 2 जक्‌कय नाम नो एक मालदार माणेह हतो। तीहयो फाळो उगरावण्‌या नो मुखी हतो। 3 ईसु कोय से, आहयु मालम करवा करीन, जक्‌कय ईसु ने देखवा हींडतो हतो। पण जक्‌कय घणो नीचो हतो। 4 एतरे तीहयो गड़दी मे अगो दवड़ीन ज्‌यो। अने ईसु ने देखवा करीन एक गुलर ना झाड़ पोर चड़ ज्‌यो। काहाके ईसु तीहयीत वाट्‌ये माय्‌न सरकीन जवा वाळो हतो। 5 जत्‌यार ईसु तीहया झाड़ नी तळे आयो, ता तीहयो उपर भाळ्‌यो, अने जक्‌कय ने केदो, "ए जक्‌कय ममार उतर! काहाके आज मे तारा घोर रेवा से।"

6 तीहयो जक्‌कय छोटो उतर्‌यो अने खुस हय्‌न ईसु नो आव-भाव कर्‌यो अने आह़फा ना घोर ली ज्‌यो। 7 आहयु देखीन आखा युहदी माणहु ईसु नो वाक काडीन एक-बीजा ने केवा बाज ज्‌या, "ईसु ते एक पापी ना घोर मे पोरणो बणीन आय र्‌यो।"

8 पण जक्‌कय उबो हय्‌न ईसु ने केदो, "ए मालीक! मे मारु आखु धन नो आदो वाटो आहया ह़ेर ना गरीब ने आप देही। कदीम मे कोय पांह धोको दीन धन लेदो हय, ता मे तीने तीनु च्‌यार गुणा पासु वाळ देही।"

9 तत्‌यार ईसु तीने केदो, "आज आहया घोर वाळा मे छुटकारो आवलो से; काहाके आहयो बी अब्‌राहम नी अवल्‌यात से। 10 ✝19:10 मत्‌ती 18:11काहाके मनख्‌या नो सोरो खोवायला ने ह़ोदवा अने तीमने बचाड़वा आवलो से।"