Lucas 9

ईसु ना चेला ने केम रेवा जोवे

57 जत्‌यार ईसु अने तीना चेला वाट्‌ये जवा बाज रेला तत्‌यार कानो ईसुन्‌तां आवीन केदो, "तु जां जही तां, मे बी तारी ह़ाते आवही।"

58 ईसु केदो, "लेंड्‌या ने रेवा करीन तीमना दोरु से अने चड़ा करीन तीमना पोतरा से, बाखीन मनख्‌या ना सोरा करीन मुंडु मेलवा नो लग जागो नी हय।"

59 काना बीजा ने ईसु केदो, "मारी पसळ आवो।" पण तीहयो केदो, "ए मालीक! मने पेले मारा बाह ने गाड़वा करीन जवा दे।"

60 ईसु तीने केदो, "मरला ने तीमना मरला ने वगे करवा दे। पण तु जाय्‌न भगवान ना राज नु खुस-खबर नु परच्‌यार ह़मळाव।"

61 एक अळी बीजो आवीन ईसु ने केदो, "ए मालीक! मे तारा अनसारे चालही, पण मने पेले मारा घोरल्‌या ने मेळीन आव्‌वा दे।"

62 ईसु तीने केदो, "जे कोय होळ जोपवा करीन होळ धर लेय अने अळी पासो फीरीन भाळे, तीहयो भगवान ना राज नु काम करवा लायक नी हय।"