भेट ना रोट्ला
5 तु मयदो लीन बारे रोट्ला चुड़ावजे, आखा रोट्ला बे कीला मयदा ना बणावे। 6 ता तमु तीनी बे हालर बणाय्न, एक-एक हालर मे छोव-छोव रोट्ला चोखली टेबल पोर भगवान अगळ मेकजो। 7 अने एक-एक हालर पोर चोखला लोबान मेकजो तीहयु रोट्ला भेळ फोम कराव्वा नो भाग बणीन भगवान ना लेदे वारु रेय। 8 हारुन अराम ना दाड़ा डीट तीने भगवान अगळ हालर सी मेक्या करे, आहयी सदा ना वायदा नी रीती ईस्रायली माणहु भणी गेथी हया करे। 9 अने आहया रोट्ला हारुन अने तीना सोरा ना रेहे, अने तीहया तीने काना चोखला जागा मे खाय, काहाके तीहया भगवान ने चड़ावला मे गेथा सदा नी रीती ना लारे हारुन ना लेदे चोखली चीज ठेरला से।