1 मी उ पौलुस जोन तुमरो पुड़ा गरीब सेव पर पाठ को मंघा तुमरो कन हिम्मत करके बिनती करासेऊ तुमला मसीह की कोमलता अना दयालुपन को कारन समझासेउ। 2 मी यो बिनती करासेऊ का तुमरो पुड़ा मोला बीना डर को होयके हिम्मत करनो नही पडे जसो मीना कोनी लोक गीन पर जोन हमरो देह को जसो चलन वालो समझसे हिम्मत देखावन को बिचार करासेऊ। 3 काहेकी अदी हमी देह मा चला सेजन फिरासेजन तोभी त देह को जसो नही लड सकत। 4 काहेकी हमरो झगड़ा को अवजार देहिक नही, पर किला गीन*10:4किला बुराबिचार ला चूरा-चूरा करन लाय परमेस्वर को कन लक ताकतवर सेत। 5 एकोलाय हमी कल्पना गीन अना हर एक ओरता गोस्टी को जोन परमेस्वर की ओरख के वोको विरोध मा उचली से खंडित करासेत अना हर एक बिचार ला कैद करके मसीह को हुकूम मानन वालो बनावसेत। 6 अखीन तैय्यार रव्हसे का जबा तुमरो हुकूम पूरो होय जाहे त हर एक पिरकार को हुकूम ला तोड़हेत त सजा देहेत।

7 तुमी वोनच गोस्टी गीन ला देखो जोन डोरा को पुड़ा से अदी कोनी को अपरो पर यो भरोसा होहे का मी मसीह को सेव त उ असो जानले का जसो उ मसीह को से वसोच हमी भी सेजन। 8 काहेकी अदी मी वोना अधिकार को बारे मा अना घमंड दिखावसू जोन पिरभू न तुमरो बिगाड़न को लाई नही पर बनावन लाई हमला देईसेस त बेइज्जती नही होवन देहू। 9 यो मी एको लाई कव्हासेऊ का चिठ्ठी कन लक तुमला डरावन वारा नही बनु। 10 काहेकी वय कव्हसेत वोकी "चिठ्ठी त गहरो परभाव डाखन वालो से" पर जबा उ पुड़ा होवासे त उ देह मा कमजोर अना बोलनो मा हलको मालूम पड़ से। 11 जोन असो कव्हसे उ यो समझ राखे का, जसो पाठ को मंघा चिठ्ठी गीन मा हमरो गोस्टी से वसोच तुमरो पुड़ा हमरो काम भी होहेत।

12 काहेकी हमी असी हिम्मत नही का, हमी अपरो आप ला उन मा लक असो काही को संग गीनन या उनला अपरो ला मिलाहे जोन अपरी साबासी खुदच करासेत अखीन अपरो आप आपसी तवल के एक दुसरो लक मिलके कम अक्ल ठहराहेत। 13 हमी त सिव मेंढो*10:13 हद लक बाहेर घमंड कबच नही करेत पर वोनच सिव मेंढो तकन जोन परमेस्वर न हमरो लाई ठहराइसेस अखीन उनमा तुमी भी आय गईसेव अना वोकोच जसो घमंड भी करो। 14 काहेकि हमी अपरो सिव मेंढो लक बाहेर अपरो आप ला बढावन नही चाव्हासे जसो का तुमरो तकन नही पहुचीनो की दहा मा होत्यो मसीह की साजरो बारता आयकावत होयो तुमरो तकन धाड़ी सेत। 15 हमी सिव मेंढो लक बाहेर दुसरो की मेहनत पर घमंड नही करेत पर हमला आस से का जसो-जसो तुमरो भरोसा बड़तो जाहे वसो-वसो हमी अपरी सिव मेंढो को जसो तुमरो कारन अखीन भी बढता जाबीन 16 ताकी हमी तुमरी सिव मेंढो लक पुड़ा बड़के साजरो बारता आयकबीन अना यो नही का हमी दुसरो की सिव मेंढो को अंदर बनया काम गीन पर घमंड करेत।

17 "पर जोन घमंड करेत उ पिरभू मा घमंड करहे।" 18 काहेकी जोन अपरी बड़ाई करासे उ मंजूर नही पर जेकी बढाई पिरभू करासे वोलाच अपनायो जासे।