1 काहेकी हमी जानासेजन का अदी हमारो धरती मा का तम्बू मजे देह ला पूरो दिरस घर ला पाड़ दियो जाहे त परमेस्वर कन लक हमला सरग मा घर मिले जोन हात लक बनयो हुयो नही पर अमर सेत। 2 काहेकी एना घर मा त हमी कराहवता अना लगत पक्को आस राखासेजन का अपरो सरग को घर ला पेहर*5:2घाल लेवबोन लेवबोन। 3 अखीन एला पेहरके हमी नंगरा नोको पाया जाबोन। 4 सही मा जबा तकन हमी एना तम्बू देह मा सेजन त हमी बोझ लक दबया हुया कराहव सेजन काहेकी हमी कपरा हेड़नो नही पर पेहरनो चाव्हासेजन का जोन कोनी मरनो को जसो से वा जिंदगी लक हेड दियो जाय। 5 अबा जेना हमला एना गोस्टी को लाई तैय्यार करीसेस। उ परमेस्वर से जेना हमला बयाना मा आतमा देईसेस।

6 एको लाई हमी हमेस हिम्मत राखा सेजन अना यो जाना सेजन का जबा तकन हमी देह जसो घर मा रव्ह सेजन पिरभू लक दुहुर सेत। 7 काहेकी हमी रूप चोवयो नही पर भरोसा लक चला सेजन। 8 अना हमी पूरी हिम्मत राखासेजन देह लक अलग होयके पिरभू को संग रहवनो अना उच्चो समझयो जासे। 9 एको लाई हमारो आस योच से का संग मा रहवजन या अलग रव्हजन हमी वोला चाहतो लगासेजन। 10 काहेकी हमी सबच को मसीह को नियाव आसन को पुढ़ा हजीर रव्हनो जरुरी से का हर एक ला अपरो साजरो अना वाइट*5:10खोटो काम को दन्ड मिलेत जोन वोना देह लक करयो से।

11 अना हमी पिरभू को भेव मानतो हुयो लोक गीन ला समझावसे पर हमरो हाल परमेस्वर को पुढ़ा परगट से अना मी आस करासेऊ का हमरो यो हाल तुमरो अक्कल मा परगट होवासे। 12 हमी मंग अपरी सबासी तुमरो पुढ़ा नही कर रही से पर तुमला मोका दे रही से का हमरो पर गरब करो अना उनला जवाब देसका सेव जोन मन मा नही चोहे पर घमन्ड करासेव। 13 काहेकी अदी हमी बेसुध से त परमेस्वर को लाई अना अदी जगाया से त तुमरो लाई से। 14 काहेकी मसीह को पिरेम हमला परेसान करासे जेनको लक यो तय से का जबा एक सब को लाई मरयो त सबच मर गईन। 15 अना उ सबच को लाई मर के उ जित्तो से पुढो लाई अपरो लाई नोको जीवो पर वोको लाई जीवो जोन उनको लाई मरके जित्तो भई से।

16 एकोलाय अबा लक हमी कोनी मानूस की देह को अनुसार नही समझेत हमेस हमरो मसीह की देह को जसो जानो से अबा लक हमी वोको असो नही जानयो जाहे। 17 एको लाई अदी कोनी मसीह मा से त उ नवी संसार से जुनी गोस्टी बीत गई देखो नवी गोस्टी आया गई से। 18 अबा यो सबच गोस्टी परमेस्वर को कन लक से जेना मसीह को कन लक हमरो मेल अपरो संग कर लेईन अना हमरो मेल मिलाप की सेवा देईसेस। 19 अना परमेस्वर लोक गीन को अपराध गीन को दोस उनको पर नही लगावते हुयो मसीह मा संसार मा मेल मिलाप अपरो संग कर रहयो होतो अना वोना हमरो मेल जोल को गोस्टी*5:19 गोस्टी सौप देइसेस।

20 एको लाई हमी मसीह को दास से मानो का परमेस्वर हमरो कन लक बिनती कर राही से हमी मसीह को कन लक तुमरो लक बिनती करा से का परमेस्वर को संग मा मेल मिलाप कर लेव लेने। 21 जोन पाप लक अनजान होतो वोला च वोना हमरो लाई पाप ठहराइस का हमी वोको मा परमेस्वर की न्यायीपन बन जाहे।