25 अना एक बायको जोनको बारा बरस लक लाल धोवा5:25खून बहने की बिमारी जावत होती। 26 अना जेना बइद गीन लक लगत दुख उचलीस होतीस, अना आपरो सब काही खरच डाकिस पर काही फायदा नही मिलयो होतो, पर अखीन रोग बढ गयो होतो। 27 यीसु को चरचा आयक के भीड़ मा लक ओको मंघा आई अना कपरा को पल्लु ला छिवलेइस। 28 काहेकि उ कव्हत होती "अदी मि ओको कपरा को पल्लु5:28 झालर ला च छिव लेहु तो साजरी भई जाहु।"
29 अना गदने ओको रकत बहनो बंद भई गयो। अना ओना आपरो देह मा जान लेइस, की मि ओना बीमारी लक साजरी भई गई सेव। 30 यीसु ना गदने आपरो मा जान गयो, की मोरो लक ताकत हिटी से, अना भीड़ ला मुरकके पुसिस, "कोन से जेने मोरो कपरा को पल्लु ला छुवीस?"
31 ओको चेला ना ओला कहिन "तु चोवसेस की भीड़ तोरो पर गिर पड़ से, अना तु कव्हसेस; की कोन ना मोला छुईसेस?" 32 तबा ओना ओला चोवन लाई चवतरफा नजर दौड़ाइस। 33 तबा वा बायको यो जानके की मोरी कसी भलाई भई से डरात अना कापत आयी, अना यीसु को पाय पड़के, ओको लक सबच हाल खरो-खर सांगिस। 34 ओना ओको लक कहीस; "टूरी तोरो भरोसा लक तु साजरो भईसेस। सान्ती लक जाव अना सारो संकट लक बची रव्ह।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)