E Elimelehesiri porodica selini pe ano Moav
1 Zako vreme kad o sudije vladinde ulo baro bokhalipe ani phuv Juda. Jekh manuš taro Vitlejem, savoi ani Juda, dželo pla romnjaja hem ple duje čhavencar te živini sar abanđija ani phuv Moav.
3 E Nojeminakoro rom o Elimeleh mulo, pa oj ačhili ple duje čhavencar. 5 mule hem o Mahlon hem o Kilion. Ađahar i Nojemina ačhili hem bizo čhave hem bizo rom.
8 Tegani i Nojemina phenđa ple duje borjenđe: "Nek svako tumendar irini pe pla dajaće ano čher. Nek o GOSPOD mothoj plo šukaripe premala tumende sar so hem tumen mothovođen premalo mle pokojna čhave hem premala mande.
14 Ko adava on palem sa glasoja runde.
Palo adava i Orpa čumudinđa pla sasuja hem dželi, ali i Ruta ačhili olaja.
16 Ali i Ruta phenđa: "Ma terin man te ačhavav tut hem te džav tutar. Adalese so, kaj god tu ka dža, ka džav hem me, hem kaj god tu ka živine, ka živinav hem me. To narodo ka ovel mlo narodo hem to Devel ka ovel mlo Devel. 17 Kaj tu ka mere, ka merav hem me hem adari ka ovav parume. Nek o GOSPOD najphare kaznini man te bilo so sem o meriba cidela man tutar."
20 Ali oj phenđa lenđe: "Ma vičinen man Nojemina.1,20 Nojemina značini "bahtali" ili "milo." Vičinen man Mara,1,20 Mara značini "gorko" ili "tužno." adalese so o Devel, kova sa šaj, zagorčinđa mlo dživdipe. 21 Dželjum pherde vastencar, a akana o GOSPOD irini man čuče vastencar. Sose te vičinen man Nojemina kad o GOSPOD irinđa pe protiv mande hem o Devel, kova sa šaj, anđa nevolja upra mande?"