I Ruta resela pe e Voozeja
1 E Nojemina inele jekh rođako tari ple romesiri strana. Ov inele but barvalo manuš tari loza e Elimelehesiri, kova vičinđa pe Vooz.
3 Ađahar i Ruta dželi ano polje, pa čedinđa okova so ačhilo palo bućarne. I ulo adava da ali ano deo oto polje savo pripadinđa e Voozese tari loza e Elimelehesiri.
9 Dikh ko savo polje mle sluge ka čeden, pa tu dža palo sluškinje. E slugenđe naredinđum te na dirinen tut, a kad ka ove žedno, dža adari kaj o čare hem pi pani savo o sluge dolinde."
11 A o Vooz phenđa laće: "Phende maje sa so ćerđan te sasujaće palo meriba te romesoro – sar dželjan te dadestar hem te dajatar hem sar ačhavđan o than kaj injan bijandi hem aljan te živine e narodoja kole angleder na pendžarđan. 12 Nek o GOSPOD platini će za okova so ćerđan. Nek nagradini tut barvale o GOSPOD, o Devel e Izraelesoro, talo kasere phaka aljan te garave tut."
17 Ađahar oj čedinđa đikote na peli i rat, a onda odvojinđa o zrnja hem čedinđa ani korpa deš kilja ječam.
20 I Nojemina ko adava phenđa pla borjaće: "Nek blagoslovini le o GOSPOD, kova na ačhavđa te mothoj mangipe hem premalo dživde hem premalo mule!" Hem pana phenđa: "Adavai manuš amaro paše rođako, jekh okolendar kovai odgovorno te otkupini amen."