20 Lidan Kristu lagunfulira sun le füramase lubéi Bungiu houn lánigu. Ligía lébubei wariñagun «ítarala» dan lan le walawahani luéirigun Bungiu lidan liri Hesukrístu. 21 Bungiu adügübei lun deregüdagu wamá lidan wafiñen luagu Hesukrístu; ligía anúadirubaliwa lun weseriwidun lun sungua luagu, 22 ru laali lumakün wawagu, rulei Sífiri Sandu tidan wanigi keisi achoururuni luagu weresibirubei lan sun le laransehabei wabá.