Labürühani Lúkasi le meha asuseredubei
1 Lun Teófilu le wéirigubei: Gíbeeña gürigia óuchutiña habürühani katei le burí ladügübei Bungiu waganagua; 2 áfaaguatiña habürühani ítara kei harufudahani ha arihubalin burí katei ligía lúmagiñe lagumeserun, apurichiha hagía luagu. 3 Au, álügüdahaadina giñe buidu buidu libügürü sun katei le asuseredubei lúmagiñe lagumeserun, ani afiñetina luagu mariban lan lun nabürühanu gárada to bun kei lubudubu, 4 subudi báamugei linarün katei le arufudúaalibei bun buidu buidu.