Lasubudiragüdüni aban ánheli luáguti lágurahoun Hesusu
26 Sisi hati lárigiñe, aba lóunahani Bungiu ánheli Gabüriéli lidoun aban luburugute Galiléa, gíriti Nasarétü, 27 lun lidin bisidoun aban nibureingiru to láugiru tiñǘn, gíritu María. Würi tuguya, gadaradunñoun luma aban wügüri gíriti Hosé lun tamarieidun luma; ladügawagun urúei Dawidi wügüri ligía. 28 Ábati lebelurun ánheli ligía le ñeinhin tubéi, aba lariñagun tun:
—Fuleseiwatibu, María! Anihein Aburemei buma;
36 Tiabin biduhe to Isawéli, dageinaaru giñe lau sun wéiyaaru lan, ítara liña lubeiti, to meha uáguboun hariñaga luagu siñá lan tagaraüdün, anihein sisi hati dageinaü tuagu.
38 Ábati tariñagun María:
—Lidamun Nabureme Bungiu nuguya; adügaléi le bariñagubei nau.
Lárigiñe, aba lidin ánheli.
Tidin María bisidoun Isawéli
39 Lidoun dan ligía, aba tidin María furese lidoun aban uburugu le labadinaguabei burí wübü Hudéa,
56 Aba terederun María kei burí ǘrüwa hati ñein; lárigiñe, aba tagiribudun hábiñoun.