Hénpulu luáguti úguchili le adarirubalin liráü
11 Ru lumuti giñe Hesusu hénpulu le houn, lariñaga:
«Ñeinñein meha aban wügüri biámañanu lirahüñü. 12 Aba lariñagun le amuleñein lun lúguchi: "Núguchi, rubei alagan le yuubei nun guentó". Aba lafanreinhani úguchili alagan hadan biángubei. 13 Málüti lúmagiñe, aba laluguruni amuleñein lufanran, aba lidin dise lidoun amu fulasu; aba lachagaraguni liseinsun ñein lidan aban ibagari mabuidunti. 20 Aba lárügüdün üma lun lagiribudun lúbiñoun lúguchi.
Dísegi liña, aba larihini úguchili irahü le, aba lagudemedagun lun. Aba léibaagun lubaroun, aba lóuburuni, aba lachuuruni. 22 Aba lariñagun úguchili houn lubúeingu: "Sagá humoun tubuidun-agei daüguaü furese, dáüguagüda huméi. Daü humá giñe aban bagü luagu lúhabu tuma geidi luagu lugudi. 24 Ladüga anihán niráü le, hilaali yebe gama lumoun nibagariya; féridihali yebe gama lumoun darí wamá". Aba hagumeserun efeduha.