1 Buguyati numada, gaduruntibu, dan le bíchugun lidurun amu, meberesenga kátañadibu lan; lugundun dan le bíchugun lidurun amu ani adügabéi lememe ladügübei, basiadiraguña bungua. 2 Subudi wamuti luagu lau lan inarüni laguseragüda Bungiu dan le lasiadiruniña ha adügübalin burí katei le. 3 Buguyati le íchugubei hadurun ha adügübalin burí katei wuribati le, ani ligiaméme giñe badügübei, haritaguatibu san luagu besefuruba lan luéi laguseragüdün Bungiu?