1 Sɛ meka mmenia ne abɔfo dwudwolɛ, ná sɛ nnne dɔ a, nde kyɛ dɔn anaa akasaa bie bɔ ɔyɛ dede mbaen ne. 2 Sɛ nne ngɔmhyɛ akyɛdeɛ, mete edwirɛ krongron bɔ wafea ne nimdeɛ biala bo, nne gyidie bɔ okora tutu mmokaa, na sɛ nnne ɔdɔ a, nnde hwee. 3 Sɛ metɔne bɔ nne ye biala mefa metɔ aleɛ mema ahiafoɛ, na mefa me nipadua mebɔ afɔleɛ mefa mehoɔhoa me nwo, nakoso nnne ɔdɔ a, mengonya mvasoɛ biala wɔ so.
4 Ɔdɔ le aboterɛ, na ye ti anu nnyɛ se. Ɔdɔ de, ɔtte ahoɔyaa, ɔndwa ye noanu,13:4 Anaa "Ɔhoɔhoa ye nwo." na ɔmma ye nwo so. 5 Ɔdɔ nnyɛ nikye bɔ ɔttemaye, nná bɔ ohia ye ngome yeɛ ɔdwene ye nwo ɔ, ɔmvɛ yaa ndɛ, na ɔmva bɔne nwura ye nu. 6 Ɔdɔ nni ahurusi wɔ nikye bɔ ɔttemaye nwo, mmom nahorɛ yeɛ odi ye nwo ahurusi ɔ. 7 Ɔdɔ to ye bo ase wɔ nikye biala nu, ole nikye biala nu gyidie, ole nikye biala nu anidasoɛ, na ɔfa animia gyina nikye biala nu.