1 Ɛmɔma sona biala brɛ ye nwo ase wura atumvoɛ bɔ bɛwɔ berɛ nabo, ofikyɛ tumi biala nne berɛ, sana bɔ ofi Nyameɛ berɛ ne. Na atumvoɛ bɔ bɛwɔ berɛ ne, Nyameɛ yeɛ wama bɛ atee kyɛ bɛli tumi ɔ. 2 Yeti, ebiala bɔ ɔkɔdwɔso kotia atumvoɛ bɔ bɛwɔ berɛ ne, né odwɔso tia Nyameɛ nhyehyɛɛ, na bɛ bɔ bɛyɛ sɔ ne, bɛkɔfa atemmuo bɛkɔwa bɛ nwo so. 3 Sɛ ebie yɛ nikye pa a onzuro bɛ bɔ bɛdi tumi ne, bɔ ɔyɛ bɔne ne mmom yeɛ ɔsuro bɛ ɔ. Ɛnkuro kyɛ esuro atumvoɛ nemɔ anaa? Ye de yɛ nikye pa, na bɛkɔ kamvo wɔ.
Publicidade