1 عَلَتَلَ نَشَ يِ وْيّنيِ مَسٍن ﭑ بّ يِ كِ،

2 «عِ شَ سَ عَ قَلَ دَرِ سَلَمُكَيٍ بّ،

عَلَتَلَ بَرَ عَ مَسٍن، ‹ﭑ بَرَ رَتُ وٌ شَ شَنُنتٍيَ مَ،

عَ نُ نَ كِ نَشّ سِنفٍ رَ وٌ قٌنِكٍ تّمُي.

وٌ نُ بَرَ بِرَ ﭑ قْشْ رَ فبٍنفبٍرٍن يِرٍ،

شّي مُ نُ سَشِ دّننَشّ.

وٌ نَ رَبَ مَرَقَنيِ نَن كُي.

3 عِسِرَيِلَ نُ قِندِشِ عَلَتَلَ نَن فبٍ رَ،

عَلْ سَنسِ بٌفِ سِنفٍ.

نَشٍيٍ عٍ تْورْ، نٍيٍ قَن قَمَ نّ تْورْدٍ.›»

عَلَتَلَ شَ مَسٍنيِ نَن نَ كِ.

4 يَشُبَ بْنسْي، وٌ شَ وٌ تُلِ مَتِ عَلَتَلَ شَ مَسٍنيِ رَ.

عِسِرَيِلَ شَبِلّ بِرِن، وٌ شَ وٌ تُلِ مَتِ.

5 عَلَتَلَ بَرَ عَ مَسٍن،

«وٌ بَبَيٍ ﭑ مَ قٍ كٌبِ مُندُن تٌشِ

نَشَن عَ نِيَشِ عٍ شَ فبِلٍن ﭑ قْشْ رَ؟

وٌ بَرَ بِرَ قٍ قُقَقُ قْشْ رَ،

عَوَ وٌ تَن قَن قِندِ مَ مِشِ قُقَقُ نَن نَ.

6 عٍ مُ عَ قَلَشِ وٌ بّ،

‹عَلَتَلَ نَ مِندٍن،

نَشَن وٌن نَمِنِشِ مِسِرَ بْشِ رَ،

نَشَن وٌن شَنِن فبٍنفبٍرٍن يِرٍ؟

قٌلٍيٍ نُن بْشِ مَشَرٍ فبَنسَن نَن نَ مّننِ.

عَدَ مَدِيٍ مُ نْمَ بَلٌدٍ نَ بْشِ مَ.›

7 ﭑ بَرَ وٌ شَنِن بْشِ قَنيِ مَ،

عَلَكٌ وٌ شَ بَلٌي قَنيِ سْتْ.

كْنْ وٌ تٌ قَ، وٌ بَرَ ﭑ مَ بْشِ قِندِ يِرٍ سّنِيّنتَرٍ رَ،

وٌ بَرَ قٍ شْنشِ رَبَ نَا ﭑ دّننَشّ قِشِ وٌ مَ كّ رَ.

8 سّرّشّدُبّيٍ مُ عَلَتَلَ قٍنشِ.

كَرَ مْشْي مُ ﭑ كٌلٌن.

يَرٍرَتِيٍ بَرَ ﭑ يَنقَ.

نَمِحْنمّيٍ بَرَ بَلَ كُيٍ مَسٍنيِ تِ.

عٍ بَرَ بِرَ سٍ قْشْ رَ نَشَن مُ نْمَ عٍ مَلِدٍ.

9 نَ نَن عَ تٌشِ ﭑ وٌ حَشَنكَتَمَ.»

عَلَتَلَ شَ مَسٍنيِ نَن نَ كِ.

«ﭑ وٌ شَ مَمَدِيٍ قَن مَكِيتِ.

10 وٌ سَ كِتِمِ سُورِ مَتٌ،

وٌ شَ مِشِيٍ شّي كٍدَرِ،

وٌ نَ بِرِن مَتٌ عَ قَنيِ رَ.

وٌ مُ يِ كُيٍ بَتُقٍ مْولِ تٌمَ نَا.

11 سِ ندٍ نَ نَ نَشَن عَلَ بّحِن،

عٍ قَ كُيٍ قِندِ عٍ شَ عَلَ رَ؟

ﭑ مَ حَمَ بَرَ عٍ شَ شُننَكٍلِ مَسَرَ،

عٍ قَ عٍ شَشِلِ تِ كُيٍ رَ نَشَن مُ نْمَ عٍ مَلِدٍ.

12 كٌورٍ بَرَ قِندِ سٍيدٍ رَ نَ قٍ مَ.

نَ بَرَ قِندِ كِنِكِنِ نُن كَابَنَكٌ رَ.

عَ لَنمَ نَ شَ وٌ شَشِلِ عِقُ،

عَ شَ وٌ دّ عِشَرَ.»

عَلَتَلَ شَ مَسٍنيِ نَن نَ كِ.

13 «ﭑ مَ حَمَ بَرَ قٍ حَاشِ قِرِن نَبَ؛

عٍ بَرَ ﭑ بّحِن،

ﭑ تَن نَشَن نُ لُشِ عَلْ يٍ قَنيِ عٍ بّ،

يٍ نَشَن مُ حْنمَ.

عٍ بَرَ قّحّيٍ يَءِلَن، يٍ رَفَتَمَ دّننَشّ،

كْنْ عٍ عِبْوشِ، يٍ بِرِن بَرَ مِنِ عَ رَ.»

14 «كٌنيِ نَن نَ عِسِرَيِلَ رَ،

كَ عَ قِندِشِ دِ لَسِرِ نَن نَ؟

مُنقٍ رَ عَ حَشَنكَتَشِ؟

15 عَ لُشِ نّ عَلْ يّتّ شَاحّ نَن نَ شَاحّقٍ عٍ مَ.

عٍ شَ بْشِ بَرَ قِندِ فبَلٌي يِرٍ رَ.

مِشِ يٌ مُ نَ سْنْن عٍ شَ تَا فَنشِيٍ كُي.

16 مِسِرَكَ نَشٍيٍ نَ نٌقِ نُن تَثَنشّسِ،

عٍ قَمَ نّ وٌ شُن نَكَنَدٍ.

17 نَ قَتَنشِ قٍ نَشَن مَ،

وٌ فبِلٍنشِ وٌ مَرِفِ عَلَتَلَ شَ كِرَ قَنيِ قْشْ رَ.

18 يَكْسِ مُنقٍ رَ وٌ نَ مِسِرَ كِرَ شْن؟

وٌ وَ مَ نِلِ شُرٍ يٍ نَن مِنقٍ؟

مُنقٍ رَ وٌ نَ عَسِرِ كِرَ شْن؟

وٌ وَ مَ عٍقِرَتِ شُرٍ يٍ نَن مِنقٍ؟

19 عَلَ شَ وٌ شَ كٌبِحَ رَفبِلٍن وٌ مَ.

عَلَ شَ وٌ شَ قِنسِرِوَلِيَ سَرٍ قِ وٌ مَ،

عَلَكٌ وٌ شَ عَ كٌلٌن فبِلٍنقٍ وٌ مَرِفِ عَلَتَلَ قْشْ رَ،

عَ قِندِشِ قٍ حَاشِ نُن قٍ شْنّ نَن نَ.

وٌ حَشَنكَتَشِ نّ بَرِ مَ وٌ بَرَ تٌندِ فَاشُدٍ ﭑ يَ رَ.»

مَنفّ عَلَتَلَ شَ مَسٍنيِ نَن نَ كِ.

20 «كَبِ تّمُي شْننَكُيٍ ﭑ بَرَ وٌ لُ وٌ يّتّ يِ.

وٌ بَرَ عَ قَلَ عَ يَنقَنتٍيَ مُ نَ وٌ بْحّ كُي،

كْنْ وٌ بَرَ سِفَ كُيٍ بَتُدٍ فٍيَيٍ قَرِ وُرِ بُن مَ.

نَ بَرَ قِندِ لَنفٌيحَ رَ وٌ بّ.

21 وٌ نُ لُشِ نّ عَلْ وّنِ بِلِ قَنيِ ﭑ نَشَن سِشِ.

مُنسٍ عَ نِيَشِ وٌ شَ ﭑ نَبٌلٌ؟

يَكْسِ وٌ لُشِ نّ عَلْ وّنِ بِلِ حَاشِ

نَشَن مُ بٌفِ قَنيِ رَ مِنِمَ.

22 هَلِ وٌ وٌ مَشَ سٌدَ سَاقُنيِ رَ،

وٌ شَ يُنُبِ مُ نْمَ بَدٍ.»

عَلَتَلَ شَ مَسٍنيِ نَن نَ كِ.

23 «وٌ نْمَ عَ قَلَدٍ دِ،

‹ﭑ مُ نْشْشِ. ﭑ مُ بِرَشِ بَلِ كُيٍ قْشْ رَ؟›

وٌ وٌ قْشِ مَتٌ فُلُنبَ يِرٍ.

وٌ شَ وٌ حْشْ تِ وٌ شَ قٍ رَبَشِيٍ رَ.

وٌ بَرَ لُ عَلْ حْشْمّ فِنّ رَبّحِنشِ،

24 عَلْ وُلَءِ سٌقَلٍ نَشَن سٌقَلٍ شّمّ قٍنمَ عَ شِرِ مَ فبٍنفبٍرٍن يِرٍ.

ندٍ نْمَ عَ بَدٍ نَ مَ؟

مِشِ نَشَن كَتَمَ عَ سُشُدٍ، عَ تَفَنمَ نّ.

عَ مُ مَسْتْمَ قٌ نَ وَشَتِ دَنفِ.

25 وٌ نَشَ فبَتَ بِرَدٍ كُيٍ قْشْ رَ.

وٌ وٌ فِمَ نَا وٌ سَنيِ عِفٍلِ رَ،

هَلِ يٍ شْلِ نَ وٌ مَ.

كْنْ وٌ بَرَ ﭑ يَابِ،

‹عَدٍ، مُشُ مُ نْمَ فبِلٍندٍ كُيٍيٍ قْشْ رَ.

عٍ رَقَن مُشُ مَ، مُشُ وَ مَ كَقُقٍ عٍ رَ.›»

26 «عِسِرَيِلَكَيٍ قَمَ نّ لُدٍ يَافِ كُي

عَلْ مُحّتِ نَشَن سُشُشِ.

مَنفّيٍ، كُنتِفِيٍ، سّرّشّدُبّيٍ، نُن نَمِحْنمّيٍ،

عٍ بِرِن لُمَ نّ يَافِ كُي،

27 نَشٍيٍ عَ قَلَمَ وُرِ مَسٌلِشِ بّ، ‹ﭑ بَبَ،›

نَشٍيٍ عَ قَلَمَ فّمّ مَسٌلِشِ بّ، ‹ﭑ دَا مَنفّ.›

نَ مِشِ مْولِ بَرَ عٍ كٌبٍ تِ ﭑ نَ،

عٍ بَرَ تٌندِ عٍ يَ رَقِندِدٍ ﭑ مَ.

كْنْ عٍ شَ تْورّ كُي،

عٍ مَن عَ قَلَمَ ﭑ بّ، ‹كٍلِ، عِ شَ مُشُ رَكِسِ.›

28 وٌ شَ كُيٍيٍ نَ مِندٍن، وٌ نَشٍيٍ يَءِلَنشِ،

نَشٍيٍ بَرَ وُيَ يُدَيَ تَايٍ كُي؟

عٍ تَن شَ كٍلِ، عٍ شَ وٌ رَتَنفَ وٌ شَ تْورّ مَ،

شَ عٍ قَتَ نَ رَبَدٍ.

29 مُنقٍ رَ وٌ تَن مَتَندِلَيٍ وَ مَ ﭑ مَكِيتِقٍ؟»

عَلَتَلَ شَ مَسٍنيِ نَن نَ كِ.

30 «ﭑ بَرَ وٌ شَ دِيٍ بْنبْ عَلَكٌ عٍ شَ مَتِنشِن،

كْنْ عٍ مُ مَتِنشِنشِ.

وٌ بَرَ وٌ شَ نَمِحْنمّيٍ قَشَ وٌ شَ سَنتِدّفّمَ رَ،

عَلْ يّتّ شَاحّشِ.

31 تٌ مِشِيٍ، وٌ شَ لَ عَلَ شَ مَسٍنيِ رَ.

ﭑ عِسِرَيِلَ لُشِ فبٍنفبٍرٍن يِرٍ نّ، شَ نَ مُ عَ رَ دِ مِ كُي؟

مُنقٍ رَ ﭑ مَ حَمَ عَ قَلَمَ،

‹مُشُ وَ مَ لُقٍ مُشُ يّتّ رَ،

مُشُ مُ بِرَ مَ عِ قْشْ رَ سْنْن؟›

32 فِنّ دِ مّدِ نْمَ نّيمُدٍ عَ شَ كْنمَفٌرٍ مَ،

شَ نَ مُ عَ شَ دٍ مُي؟

ﭑ مَ حَمَ بَرَ نّيمُ ﭑ تَن مَ كَبِ تّمُي شْننَكُيٍ.

33 وٌ بَرَ وٌ مَشِرِ عَلَكٌ وٌ شَ شَنُنتٍنيِ ندٍ قٍن.

وٌ بَرَ دَنفِ مِشِ بِرِن نَ نَ وَلِ كٌبِ مْولِ كُي.

34 وٌ بَرَ سٍتَرٍيٍ قَشَ، نَشٍيٍ مُ قٍ حَاشِ يٌ رَبَشِ.

وٌ شَ دُفِيٍ نْشْشِ عٍ وُلِ رَ.

35 كْنْ وٌ عَ قَلَمَ،

‹مُشُ مُ قٍ كٌبِ رَبَشِ.

عَلَ شَ شْنّ شَ فبِلٍن مُشُ قْشْ رَ.›

ﭑ تَن نَن وٌ مَكِيتِمَ نْندِ رَ،

بَرِ مَ وٌ بَرَ عَ قَلَ،

‹مُشُ مُ يُنُبِ رَبَشِ.›

36 وٌ كِرَ مَسَرَشِ مُنقٍ رَ،

وٌ قَ وٌ شَشِلِ تِ مِسِرَ رَ؟

وٌ قَمَ نّ يَافِدٍ عٍ شْن مَ،

عَلْ وٌ يَافِشِ عَسِرِيَ شْن مَ كِ نَشّ.

37 وٌ مِنِمَ نّ عٍ شْنيِ وٌ بّلّشّ عِفٍلِ رَ،

بَرِ مَ وٌ تَشُشِ نَشٍيٍ رَ، عَلَتَلَ بَرَ نٍيٍ رَبّحِن.

وٌ مُ شُننَكٍلِ يٌ سْتْمَ عٍ سَابُي رَ.»