عَننَبِ يٍرٍ مِ 8

عِسِرَيِلَ نُن عَننَبِ يٍرٍ مِ شَ تْورّ

عَلَتَلَ شَ مَسٍنيِ

1 عَلَتَلَ شَ مَسٍنيِ نَن يَ؛ «نَ وَشَتِ يُدَيَ مَنفّيٍ، كُنتِفِيٍ، سّرّشّدُبّيٍ، نَمِحْنمّيٍ، نُن دَرِ سَلَمُكَيٍ، عٍ شْرِيٍ رَتٍمَ نّ فَبُرِ كُي، 2 عٍ سَ رَيٍنسٍن كّنّ مَ سٌفٍ، كِكٍ، نُن تُنبُييٍ بُن مَ، عٍ نَشٍيٍ شَنُ، عٍ نَشٍيٍ بَتُ، عٍ بِرَ نَشٍيٍ قْشْ رَ، عٍ نَشٍيٍ قٍن، عٍ تُوبِ نَشٍيٍ بّ. نَ نَن عَ رَ، عٍ شْرِيٍ مُ سَمَ فَبُرِ كُي، عٍ شَ رَيٍنسٍن بْشِ مَ. 3 مِشِ نَشٍيٍ مُ قَشَ نَ حَمَ حَاشِ يَ مَ، ﭑ قَمَ نّ عٍ رَيٍنسٍندٍ حَمَنّ مَ، قَشّ شْلِ عٍ سُشُمَ دّننَشّ.» عَلَتَلَ شَ مَسٍنيِ نَن نَ كِ.

عَلَتَلَ شَ مَسٍنيِ عَننَبِ يٍرٍ مِ بّ

4 عِ شَ عَ قَلَ عٍ بّ،

«عَلَتَلَ بَرَ عَ مَسٍن،

‹مِشِ نْمَ بِرَدٍ، عٍ مُ كٍلِ؟

مِشِ نْمَ عٍ مَقِندِدٍ، عٍ مُ فبِلٍن؟›

5 مُنقٍ رَ دَرِ سَلَمُ حَمَ ﭑ مَتَندِ مَ؟

مُنقٍ رَ عٍ فبِلٍنشِ كِرَ قَنيِ قْشْ رَ، عٍ بِرَ كِرَ حَاشِ قْشْ رَ؟

يِ مِشِيٍ لُمَ نّ عٍ شَ يَنقّ كُي،

عٍ تٌندِ فبِلٍندٍ ﭑ مَ.

6 ﭑ نَن ﭑ تُلِ مَتِمَ نّ عٍ شُي رَ،

كْنْ عٍ شَ وْيّنيِ مُ لَنمَ.

مِشِ يٌ مُ فبِلٍنمَ عَ شَ كٌبِحَ قْشْ رَ.

عَ مُ عَ قَلَمَ، ‹ﭑ نَ مُنسٍ رَبَقٍ؟›

كَنكَن بِرَ مَ عَ يّتّ وَشْنقٍ نَن قْشْ رَ،

عَلْ سٌي نَشَن فبَتَشِ سِفَقٍ فٍرٍ سٌدٍ.

7 هَلِ فبٌنفبٌي نَشَن نَ كٌورٍ مَ،

عَ فبِلٍن وَشَتِ كٌلٌن.

فَنبّ، تُرُننَ، نُن يٍدْنمّ بِرِن

عٍ عٍ فبِلٍن وَشَتِ كٌلٌن.

كْنْ ﭑ مَ حَمَ مُ عَلَتَلَ شَ سّرِيّ كٌلٌن.»

عَلَتَلَ شَ مَسٍنيِ عِسِرَيِلَ بّ

8 «وٌ عَ قَلَمَ، ‹لْننِلَيٍ نَن مُشُ رَ،

مُشُ عَلَتَلَ شَ سّرِيّ كٌلٌن.›

كْنْ وٌ نَ قَلَمَ دِ؟

وٌ شَ دِينّ سّبّلِتِيٍ بَرَ عَلَ شَ سّرِيّ مَسَرَ وُلٍ رَ.

9 وٌ شَ لْننِلَيٍ بَرَ يَافِ، عٍ شَشِلِ بَرَ عِقُ،

بَرِ مَ عٍ بَرَ شَنِن كٌنيِيَ كُي.

عٍ بَرَ نَ سْتْ بَرِ مَ عٍ يٌشِ عَلَتَلَ شَ مَسٍنيِ مَ.

عٍ قِندِشِ لْننِلَ مْولِ مُندُن نَ؟»

عَلَتَلَ شَ مَسٍنيِ عَننَبِ يٍرٍ مِ بّ

10 «نَ نَن عَ رَ ﭑ قَمَ عٍ شَ فِنّيٍ قِدٍ شّمّ فبّتّيٍ مَ.

مِشِ فبّتّيٍ قَمَ عٍ شَ شّيٍ بَدٍ عٍ يِ رَ،

بَرِ مَ عٍ بِرِن نَ عٍ يّتّ شَ فٍينِ فبَنسَن نَن قٍنقٍ.

عَ قْلْقٍ عٍ شَ نَمِحْنمّيٍ مَ، عَ سَ دْشْ عٍ شَ سّرّشّدُبّيٍ رَ،

عٍ بِرِن نَ وُلٍ قَلَقٍ.

11 عٍ مُ قٍ فبٍفبٍ رَبَمَ ﭑ مَ حَمَ مَلِقٍ رَ.

عٍ عَ قَلَمَ، ‹وٌ نَشَ كْنتْقِلِ، وٌ بْحّ شَ سَ.›

كْنْ بْحّسَ يٌ مُ نَ.

12 عَ لَنمَ عٍ شَ يَافِ عٍ شَ قٍ كٌبِيٍ رَ،

كْنْ عٍ مُ يَافِمَ.

يَافِتَرٍ نَن لَنشِ عٍ مَ.

نَ نَن عَ رَ، ﭑ قَمَ عٍ رَبِرَدٍ كِيتِ وَشَتِ.»

عَلَتَلَ شَ وْيّنيِ نَن نَ كِ.

13 عَلَتَلَ شَ مَسٍنيِ نَن يَ؛

«ﭑ بَرَ نَتّ تٌنفٌ ﭑ شَ عٍ رَبٌلٌ.

ﭑ مُ وّنِ بٌفِ قِمَ عٍ مَ،

ﭑ مُ شْرّ بٌفِ رَ مِنِمَ عٍ شَ شْرّ بِلِيٍ كْن نَ.

عٍ بُرّشّ لِسِمَ نّ،

مِشِ فبّتّيٍ قَ عٍ بٌفِ بَدٍ.»

عِسِرَيِلَ شَ مَسٍنيِ عٍ بٌورٍ بّ

14 «وٌن نَ مُنسٍ رَبَقٍ بٍ؟

وٌن شَ مَلَن، وٌن شَ وٌن فِ تَا مَكَنتَشِيٍ كُي،

وٌن شَ قَشَ نَا،

بَرِ مَ وٌن مَرِفِ عَلَتَلَ بَرَ نَتّ تٌنفٌ

عَ شَ وٌن سْنتْ، عَ شَ شْنّ دْشْ وٌن مَ وٌن مَ يُنُبِيٍ شَ قٍ رَ.

15 وٌن بَرَ وَ بْحّسَ شْن، كْنْ بْحّسَ يٌ مُ نَ.

وٌن بَرَ وَ يَلَنيِ شْن، كْنْ فٍرٍ بَرَ كٍلِ.

16 وٌن يَشُييٍ شَ سٌي شُي مّمَ دَنَ بْشِ مَبِرِ،

بْشِ بِرِن نَ سّرّنقٍ نَ شُي مَ.

عٍ قَمَ نّ بْشِ بِرِن شُن نَكَنَدٍ،

عٍ قَ مِشِ بِرِن سْنتْدٍ.»

عَلَتَلَ شَ مَسٍنيِ عِسِرَيِلَ بّ

17 عَلَتَلَ شَ مَسٍنيِ نَن يَ؛

«ﭑ نَ بٍ. ﭑ بَرَ بْشِمَسٍ حَاشِيٍ رَ سَنبَ وٌ مَ.

مِشِ يٌ مُ نْمَ عٍ رَ، عٍ وٌ شِنمَ نّ.»

عَننَبِ يٍرٍ مِ شَ مَسٍنيِ عَلَتَلَ بّ

18 «قّيرّ يٌ مُ نَ، ﭑ بْحّ بَرَ تْورْ.

19 عِ تُلِ مَتِ ﭑ بْنسْي وَ شُي رَ نَشَن كٍلِقٍ يِرٍ مَكُيٍ.

عٍ عَ قَلَمَ، ‹عَلَتَلَ مُ نَ سِيٌن؟

سِيٌن مَنفّ مُ نَ سْنْن؟›

عَلَ عٍ يَابِمَ نّ،

‹مُنقٍ رَ عٍ وَ مَ ﭑ نَشْنْقٍ عٍ شَ كُيٍيٍ رَ

نَشٍيٍ تِدٍ يٌ مُ نَ، نَشٍيٍ كٍلِشِ يِرٍ مَكُيٍ؟›

20 شّ شَبَ تّمُي بَرَ دَنفِ،

سٌفٌقُرٍ قَن بَرَ دَنفِ.

هَن يَ وٌن مُ كِسِ سْتْ.

21 ﭑ بْنسْي شَ تْورّ بَرَ قِندِ كٌتٍ رَ ﭑ بّ.

ﭑ بَرَ كِنِكِنِ، لِمَنِيَ بَرَ بَ ﭑ يِ رَ.

22 سٍرِ يٌ مُ نَ فَلَدِ بْشِ مَ؟

سٍرِبَ يٌ مُ نَا؟

مُنقٍ رَ ﭑ بْنسْي مُ نْمَ يَلَندٍ؟

23 يٍ يٌ مُ نَ ﭑ قَتٍ كُي سْنْن

نَشَن قِندِ مَ يَ يٍ رَ.

ﭑ بَرَ وَ كْي نُن يَنيِ رَ ﭑ بْنسْي بّ نَشَن تْورْشِ.»