1 عِسِرَيِلَ مَنفّ عَلَتَلَ شَ مَسٍنيِ نَن يَ؛

«حَشَنكَتّ نَ نٍبٌ بّ، نَ تَا بَرَ كَنَ.

يَافِ نَ كِرِيَتَيِمِ بّ، نَ تَا بَرَ سُشُ،

عَ شَ يِرٍ مَكَنتَشِ بَرَ قِندِ فبَلٌي مَفَاشُشِ رَ.

2 مَتْشْي مُ نَ مٌوَبَ بّ سْنْن.

شّسِبْنكَيٍ لُمَ سُننُنيِ نَن كُي.

ندٍيٍ نَشّ، ‹وٌن شَ عَ رَحْن دُنِحَ مِشِيٍ تَفِ.›

وٌ تَن شَشِلِتَرٍيٍ، وٌ قَن مَ قٍ حْنمَ نّ،

سَنتِدّفّمَ نَ وٌ قْشْ رَ.

3 شٌرٌنَيِمِ فبٍلٍفبٍلٍمَ نّ،

عَ بِرِن بَرَ بِرَ، عَ بِرِن بَرَ كَنَ.

4 مٌوَبَ بَرَ كَنَ، عَ شَ دِيٍ عٍ وَ شُي رَ مِنِمَ.

5 عٍ تٍمَ نّ لُشِتِ فٍيَ قَرِ وَ رَ.

وَ شُي مّمَ نّ شٌرٌنَيِمِ كِرَ شْن فبَلٌي شَ قٍ رَ.

6 وٌ وٌ فِ، وٌ شَ وٌ نِي رَتَنفَ،

وٌ شَ وٌ نْشُن وُلَ عِ.

7 وٌ تَن نَشٍيٍ وٌ شَشِلِ تِشِ وٌ شَ نَاقُلِ رَ،

وٌ قَن سُشُمَ نّ.

كٍمٌسِ سٌمَ نّ كٌنيِيَ كُي،

عَ نُن عَ شَ سّرّشّدُبّيٍ نُن عَ شَ كُنتِفِيٍ.

8 تَا يٌ تَا قَمَ نّ كَنَدٍ، كٍرٍن مُ كِسِمَ.

عٍ شَ دَاشَيٍ قَن كَنَمَ نّ عَلَتَلَ شَ يَامَرِ سَابُي رَ.

9 مٌوَبَ شَ عَ فِ عَلْ شْنِ نَشَن حّرّ مَ كٌورٍ مَ.

عَ شَ تَايٍ قَمَ نّ كَنَدٍ، مِشِ يٌ مُ لُمَ نَا.

10 دَنكّ نَ مِشِ بّ نَشَن مُ عَلَتَلَ شَ وَلِ رَبَمَ.

دَنكّ نَ مِشِ بّ نَشَن مُ عَ شَ سَنتِدّفّمَ رَوَلِمَ.»

11 «كَبِ عَ دِ مّدِ تّمُي، مٌوَبَ بَرَ لُ بْحّسَ كُي،

مِشِ يٌ مُ عَ تْورْ،

مِشِ يٌ مُ عَ رَ سٌشِ كٌنيِيَ كُي.

كَبِ تّمُي شْننَكُيٍ عَ نَشَ لُ عَ يّتّ رَ.

12 عَلَتَلَ شَ مَسٍنيِ نَن يَ؛

كْنْ لْشْي نَ قَقٍ، مِشِيٍ عَ تْورْ مَ نّ، عٍ عَ شُن نَكَنَ.

13 مٌوَبَ يَافِمَ نّ كٍمٌسِ شْن مَ،

عَلْ عِسِرَيِلَ يَافِشِ بٍتٍلِ شْن مَ كِ نَشّ.

سِنفٍ عِسِرَيِلَ شَشِلِ نُ تِشِ بٍتٍلِ رَ.

14 وٌ نْمَ عَ قَلَدٍ دِ،

‹فبَنفبَلَنيِ نَن مُشُ رَ،

سْورِ فَلِ نَ مُشُ يِ رَ؟›

15 مٌوَبَ بَرَ كَنَ، عَ شَ تَايٍ نَ فَنقٍ،

عَ شَ سّفّتَلَيٍ بَرَ قَشَ.

مَنفّ شَ مَسٍنيِ نَن نَ كِ،

نَشَن قِندِشِ مَنفّ عَلَتَلَ رَ.»

16 «مٌوَبَ شَ فبَلٌي نَ قَقٍ،

عَ فبٍ مُ لُشِ عَ شَ تْورْ عَ حَاشِ رَ.

17 مٌوَبَ دْشْبٌورٍيٍ، وٌ يٌ عَ مَ.

وٌ تَن نَشٍيٍ عَ كٌلٌن، وٌ شَ مَشْرِنيِ تِ،

‹مُنسٍ عَ نِيَشِ مٌوَبَ شَ مَنفّيَ مَفَاشُشِ شَ كَنَ؟›

18 دِبٌن، وٌ وٌ مَفٌرٌ، وٌ شَ لُ بْشِ مَ،

بَرِ مَ نَشَن مٌوَبَ كَنَ،

عَ قَمَ نّ وٌ شَ يِرٍ مَكَنتَشِيٍ قَن قْشْ رَ.

19 عَرٌوٍرِكَيٍ، وٌ مَمّ تِ كِرَ دّ رَ،

وٌ شَ فِ مِشِ مَشْرِن، ‹مُنسٍ نِيَشِ؟›

20 مٌوَبَ بَرَ يَافِ عَ حَاشِ رَ.

وٌ شَ فبٍلٍفبٍلٍ،

وٌ شَ عَ قَلَ عَرِنٌن شُرٍ دّ رَ،

عَ مٌوَبَ بَرَ كَنَ.»

21 «كِيتِ بَرَ حَمَنّ لِ نَشَن نَ شٌلٌن، يَسٍرِ، مٍقَاتِ،

22 دِبٌن، نٍبٌ، بٍتِ دِبِلَتَيِمَ،

23 كِرِيَتَيِمِ، بٍتِ فَمُلُ، بٍتِ مٍيٌنِ،

24 كٍرِيٌتِ، بٌسَرَ، نُن مٌوَبَ تَا بِرِن،

نَشٍيٍ مَكْرّ، نَشٍيٍ مَكُيَ.

25 مٌوَبَ سّنبّ بَرَ كَنَ، مٌوَبَ بَرَ بِرَ.

عَلَتَلَ شَ مَسٍنيِ نَن نَ كِ.»

26 «مٌوَبَ بَرَ عَ يّتّ عِفبٌ عَلَتَلَ مَ.

نَ نَن نَ كِ قٌ عَ شَ بِرَ

عَلْ مِشِ سِيسِشِ نَشَن نَ بْشُنقٍ.

عَ شَ لُ نَ يَافِ كُي.

27 وٌ مُ يٌشِ شّ عِسِرَيِلَ مَ؟

وٌ بَرَ عَ تٌ مُحّ تِ رَ؟

مُنقٍ رَ وٌ يٌمَ عَ مَ؟

28 مٌوَبَكَيٍ، وٌ شَ وٌ فِ،

كٍلِقٍ وٌ شَ تَايٍ كُي سِفَقٍ رَ فٍيَيٍ قَرِ.

وٌ شَ لُ عَلْ فَنبّ نَشَن عَ تّي سَمَ فّمّ لٌنفٌرِ رَ.

29 مُشُ بَرَ مٌوَبَ شَ يّتّ عِفبٌحَ كٌلٌن.

عَ بْحّ فبٌ، عَ لَشِ عَ يّتّ رَ،

عَ مُ وَ مَ مَرَ سِ شْن، عَ سٌندٌنيِ مُ قَن.

30 عَلَتَلَ شَ مَسٍنيِ نَن نَ كِ.»

«ﭑ عَ شَ يّتّ عِفبٌحَ كٌلٌن،

كْنْ عَ مُ قِندِ مَ عَ رَ.

عَ شَ وْيّن شُنفبٍ مُ كَمَلِمَ.

31 نَ نَن عَ رَ مٌوَبَ مُ رَقَنشِ ﭑ مَ.

ﭑ مُ نْمَ وْيّن قَنيِ قَلَدٍ عَ شَ قٍ رَ،

ﭑ مَ وْيّنيِ شْرْشْ كِرٍ شَرٍ سٍتِكَيٍ شَ قٍ رَ.

32 ﭑ بَرَ كِنِكِنِ سَنسِ بِلِيٍ مَ نَشٍيٍ نَ سِبِمَ،

سِفَقٍ يَاسّرِ مَ.

وٌ شَ سَنسِيٍ بَرَ يَاسّرِ بَا لِ، عٍ بَرَ دَنفِ نَ رَ،

كْنْ مِشِ ندٍيٍ بَرَ نَ بِرِن كَنَ.

وٌ مُ نَ وّنِ بٌفِ تٌمَ سْنْن.

33 حّلّشِنيِ نُن سّيوّ مُ لُمَ وٌ شَ دَاشَيٍ سْنْن.

سّيوّ بَرَ حْن مٌوَبَ بْشِ مَ.

وّنِ مُ يَءِلَنمَ حّلّشِنيِ رَ سْنْن.

فٍرٍ سْنشْي فبَنسَن نَن لُمَ نَا.

34 شّسِبْن شَ سْنشْي عٍلٍيَلٍ لِمَ نّ،

يَهَسِكَيٍ نَ مّ.

كٍلِقٍ سٌوَرِ مَ، سَ دْشْ شٌرٌنَيِمِ رَ هَن عٍفٍلَتِ سٍلِسِيَ، عٍ بِرِن

نَ وَ شُي مّمَ نّ، بَرِ مَ نِمِرِن شَ شُرٍيٍ بَرَ شْرِ.

35 عَلَتَلَ شَ مَسٍنيِ نَن يَ؛

ﭑ وَ مَ مٌوَبَ رَحْنقٍ نّ

عَ نُن مِشِ نَشَن بِرِن تٍمَ كُيٍيٍ بَتُدٍ يِرٍ عِتٍشِيٍ قَرِ.

36 ﭑ بْحّ تْورْ مَ نّ مٌوَبَ بّ،

ﭑ بْحّ تْورْ كِرِيَ شَرٍ سٍتِكَيٍ بّ،

بَرِ مَ عٍ هَرِفٍ بَرَ كَنَ.

37 عٍ بَرَ عٍ شُنيِ بِ، عٍ بَرَ عٍ دّ شَبٍ مَشَبَ،

عٍ بَرَ عٍ قَتٍ يَتِ مَشَبَ،

عٍ بَرَ سُننُن دٌنمَ رَفٌرٌ عٍ مَ سُننُنيِ كُي.

38 مٌوَبَ بَنشِ بِرِن بَرَ قِندِ حْن يِرٍ رَ،

بَرِ مَ ﭑ بَرَ عٍ كَنَ عَلْ قّحّ قٌرِ.

عَلَتَلَ شَ مَسٍنيِ نَن نَ كِ.

39 وٌ شَ وٌ شُي عِتٍ، مٌوَبَ بَرَ فَاشُ،

عٍ بَرَ لُ يَافِ كُي، عٍ دْشْبٌورٍ بِرِن بَرَ يٌ عٍ مَ.»

40 عَلَتَلَ بَرَ عَ مَسٍن،

«عَ حّرّ مَ نّ كٌورٍ مَ عَلْ سّفّ،

عَ قَ فٌرٌ مٌوَبَ شُن مَ.

41 كٍرِيٌتِ بَرَ سُشُ،

عَ شَ يِرٍ مَكَنتَشِيٍ بَرَ كَنَ.

مٌوَبَ سّنبّمَيٍ بْحّيٍ بَرَ لُ

عَلْ فِنّ نَشَن نَ دِ بَرِقٍ.

42 مٌوَبَ كَنَمَ نّ، عَ مُ قِندِ مَ سِ رَ سْنْن،

بَرِ مَ عَ بَرَ عَ يّتّ عِفبٌ عَلَتَلَ مَ.

43 فَاشُي لُمَ نّ مٌوَبَ بّ،

عَ بِرَ يِلِ كُي، عَ سُشُ فَنتَنيِ رَ.

عَلَتَلَ شَ مَسٍنيِ نَن نَ كِ.»

44 «نَشَن عَ فِمَ فَاشُي رَ، عَ بِرَ مَ نّ يِلِ كُي.

نَشَن نَتٍ يِلِ رَ، عَ سُشُمَ نّ فَنتَنيِ رَ،

بَرِ مَ مٌوَبَ حَشَنكَتَ وَشَتِ بَرَ عَ لِ.

45 فِ مِشِيٍ تِمَ نّ شّسِبْن قَرِ، بَرِ مَ عٍ سّنبّ بَرَ حْن.

تّ بَرَ سٌ شّسِبْن، عَ مٌوَبَكَ مِشِ حَاشِيٍ شُن نَكَنَمَ نّ.

46 فبَلٌي نَ مٌوَبَ بّ.

كٍمٌسِكَيٍ بَرَ لْي،

عٍ شَ دِيٍ بَرَ سِفَ كٌنيِيَ كُي.

47 كْنْ ﭑ مٌوَبَكَيٍ رَفبِلٍنمَ نّ وَشَتِ رَحْنيِ.

ﭑ بَرَ نَ نَتّ تٌنفٌ مٌوَبَ شَ قٍ رَ.

عَلَتَلَ شَ مَسٍنيِ نَن نَ كِ.»