1 Juáán 4

Ana̱ꞌlóꞌ nasngájma rí phú nandoo jaꞌyalóꞌ

7 A̱ngui̱nꞌ, tsáanꞌ phú nandoꞌ ja̱ya̱ꞌlaꞌ, ga̱galóꞌ juꞌya-mijnálóꞌ, numuu rí Ana̱ꞌlóꞌ nandoo jaꞌñúú xa̱bo̱. Jámba̱a̱ xa̱bo̱ tsí nandoo jaꞌñúú xa̱bo̱, a̱dée Ana̱ꞌlóꞌ ñajuun tsúꞌkhue̱n, jamí naꞌne-nuwii̱n Ana̱ꞌlóꞌ. 8 Tsí tsíyoo jaꞌñúú xa̱bo̱, tsúꞌkhue̱n táꞌne-nuwiin Ana̱ꞌlóꞌ. Numuu rí Ana̱ꞌlóꞌ nandoo jaꞌñúú xa̱bo̱.