1 Pedro 5

2 Gu̱ña̱wu̱únlaꞌ xa̱bi̱i Ana̱ꞌlóꞌ tsí júwa̱ꞌ ná ñawánlaꞌ, xómá ene̱ xa̱bo̱ tsí nu̱ña̱wu̱ún xu̱kú mogo̱. Gu̱ña̱wúu̱n májánlaꞌ ga̱jma̱á mbá jañii a̱kia̱nꞌlaꞌ,*5.2 Ríga̱ mbá tikhu i̱yi̱i̱ꞌ griégo̱ rí wayuu rí naꞌthán xáꞌnii: «Gu̱ña̱wúu̱n májánlaꞌ ga̱jma̱á mbá jañii a̱kia̱nꞌlaꞌ, xómá rí nandoo Ana̱ꞌlóꞌ». ra̱ꞌkhá ga̱jma̱á tsiakhe̱, ni máꞌ ra̱ꞌkhá ga̱jma̱á numuu rí nandalaꞌ mu̱da̱a̱ꞌ mbúkha̱a̱, rí ga̱jma̱á numuu rí nandalaꞌ mu̱ne̱-mba̱ꞌwi̱inlaꞌ xa̱bi̱i Ana̱ꞌlóꞌ. 3 Mu̱xúñu̱úlaꞌ mi̱ndaꞌkho tsí nijaniálaꞌ rí mu̱ña̱wu̱únlaꞌ asndo xó rí ikháanꞌlaꞌ ñajwanlaꞌ ña̱ꞌñíi̱, rí ga̱nindxa̱ꞌlaꞌ mbá xkri̱da mbuyáa̱.