Lisambulu mu tooni a baatu boosi
1 Hati a tsomi, dyaambu li me pondi huli we Timoteho ni linili: vondo huli Nzambi, mu masambulu ma we, mu ulembesene nde, na mu ufutala matondo huli Nzambi mu baatu boosi. 2 Sambila mu tooni bapfumu, na mu tooni a boosi ba bali na lituma. Sambila mu bo, mana bisu a benu liba na idiingu hya hyenze hyoosi hutso a mbiili yi yafwana. Ni mu mbiili a bisu a benu, luumweese ti bisu a benu baatu ba likiinzu ŋa busu bwa Nzambi. 3 Liina ni dyaambu lilibwe, li Nzambi Muyobili a bisu hasilasa. 4 Nzambi wu tondi ti baatu boosi bayoboho na baya hu nzaabili a imbuli.
5 Mu mbuli, Nzambi ndulu mosi,
muvolili mileembe ndulu mumosi,
ŋa hati la Nzambi na baatu.
Ni Yisu Kristo, muutu
6 wu ayehuli muvumu a nde we kodi,
mu uyobolo baatu boosi mu masumu2.6 Mat 20.28.
Mu taangu yi yafwana, Nzambi amweesi Kristo we mbangi a libwe la nde.