Efeso 1

Lisambulu la Pahuli

15 Ni mu buuna, bu me anzuha tsaangu imiinu hya benu mu Pfumu Yisu, na litondo la benu mu banga imiinu boosi, 16 me a haakolo mu ufutala matondo huli Nzambi mu tooni a benu ve. Me umbaatsima mu benu mu masambulu ma me, 17 na me ndi mu upondo huli Nzambi a Pfumu a bisu Yisu Kristo, Taata nga muyusu, mu uva benu Livupu la tsiki, li luukaabangula na ubaayabisa benu nde. 18 Nyaha nde ayalusa miisu mi mutima a benu, mana benu litsikaha, ki hiitu hyaakangama mu teelili yi nde haateeli benu, na ki busina bu muyusu a mabwe, ma nde haamiiswehele ba buli la nde. 19 Nyaha nde ayabisa benu, ki bunene bu matwala ma kimuhili, ma nde ali na mo mu bisu banga imiinu. Matwala mo maana, ni ma Nzambi haasalili na ibahala, 20 ŋa nde haasuuli Kristo ŋa hati la babaakwa, na haatsahisi nde ŋa mbahala a nde hu mbuha a hu mayulu✝1.20 Mkg 110.1. 21 Nzambi amiibyalisa Kristo ŋa yulu a pasi lituma, pasi matwala, pasi mifudi, pasi ipfumu na pasi nduhi kima yi buutwala utata, ndulu a ŋa tsi mo yiniiyi ve, ka naapa mu tsi yi yiuya. 22 Nzambi amiisuusa bisiha byosi hu tsina a miilu mya Kristo✝1.22 Mkg 8.7, na amiisuusa nde mu uba mutumi a libundu. 23 Libundu ni nyutu a Kristo, ni mu lo, Kristo ali mu umonehele nde woosi, nde wu li mu uluusa bisiha byosi✝1.23 Kol 1.19.