Kukomba KwaPawulu
15 1:15. Kkol 1:9. Nkaambo kacheechi, nkaambo ndakamvwa atala alusyomo lwanu muMwami Jesu aluyando lwanu kubasalali boonse, 16 1:16. Kkol 1:3.tandileki pe kumulumbila, kumuyeeya munkombyo zyangu, 17 kuti Leza waMwami wesu Jesu Kkirisitu, Wisi wabulemu, amupe muuya wabusongo alimwi wachiyubunuzyo muluzibo lwakwe, 18 1:18. Det 33:3.kamuli ameso akumwinikila myoyo yanu, kuti mukazibe eecho kuti mbuubuli bulangilizi mbwakamwiita aabo, akuti mbuvubiinzi bwalukono bwabulemu mubasalali, 19 alimwi kuti niinzi chitakonzyi kweelwa kapati munguzu zyakwe zili mulindiswe nitusyoma, mukwiinda mukubeleka kwanguzu zyakwe mpati 20 1:20. Int 110:1.eezyo nzyaakamanina muli Kkirisitu aawo naakamubusya kuzwa kubafu mpawo wakamukkazika kuluboko lwakwe lwakululyo mumasena akujulu, 21 kwiinda atala abweendelezi boonse abeendelezi anguzu akweendelezya, alimwi atala azina lyoonse liwunikidwe, kutali kwachiindi eechino pesi alubo akuli cheecho chiyobuza; 22 1:22. Int 8:6; Kkol 1:18.alimwi Leza wakabikka zintu zyoonse aansi andyaato zyaJesu mpawo wakamuchita kuti abe mutwe atala azintu zyoonse nkaambo kambungano, 23 1:23. Rom 12:5; Kkol 2:17.nguunguwo mubili wakwe, mukuzulila kwakwe uzuzya zyoonse koonse.