1 Nkaambo mbukunga mulawu ulijisi pesi munzwiide biyo wazintu zibotu zichiza kwiinda chachibumbwa chachoonzyo chazyiitiko eezi, teengachilaba pe, azipayizyo nzizyo eezyo zipegwa lubbe munyaka amunyaka, zilulamika aabo baswena afwiifwi. 4 Nkaambo tachikonzeki pe kuti bulowa bwabasipule ampongo bugwisye zibi.
11 Alimwi mupayizi woonse ulayimikila buzuba abuzuba kumulimu wakwe, kapayizya zipayizyo zyiindulidwe zikozyene, zitakonzyi kugwisya zibi pe. 12 Pesi Kkirisitu naakamana kupeda kwachiindi choonse chipayizyo chimwi chazibi, wakakkala aansi kuluboko lwakululyo lwaLeza, 14 Nkaambo achipayizyo chimwi kwachiindi choonse wakalulamika aabo bakasalazigwa.