Kulyookezya Kwabantu BaLeza
7 3:7 Int 95:7-11. Nkikaako, mbuli Muuya Usalala mbuwamba, kuti,
"Sunu, kuti mwamvwa ijwi lyaLeza,
8 mutayumyi myoyo yanu, mbuli mubupapi,
mubuzuba nibakamusunka munkanda,
9 ooko bamawuso nkubakandisunka
nikuba kuti bakabona milimu yangu kwaminyaka ilimakumi aane.
10 Nkikaako ndakanyema azyalane eelyo,
mpawo ndakati, ‘Balaleya chiindi choonse mumyoyo yabo
teebakaziba inzila zyangu pe.’
11 Ndakakonka mubukali bwangu kanditi,
‘Tabakwe kuyoonjila pe mukulyokezya kwangu.’ "
12 Ngamuchenjele, nibakwesu, kuti kutabi naba umwi mubi akati kanu, ulaamoyo utasyomi, umuleesya kuzwa kuli Leza muumi. 13 Pesi kamusungwazyaniya mazuba woonse, nikuchaaambwa kuti "sunu," kuchitila kuti kutabi umwi wanu uba sichinguni nkaambo kalweeneno lwachibi. 14 Nkaambo tulaabilana muli Kkirisitu, kuti twajatisya lusinizyo lwesu lwakutanguna mane kumamanino, 15 3:15. Int 95:7-8.mbuli mbwaamba malembe kuti,
"Sunu, kuti mwamvwa ijwi lyakwe,
mutayumyi myoyo yanu
mbuli mubupapi."
16 3:16 My 14:1-35. Mbaani aabo bakamvwa alimwi kakuli mbapapi? Tee boonse na aabo bakasiya Ijiputi kiili aansi abuzulidi bwaMozesi? 17 3:17. My 14:29.Mbaani aabo bakamunyemya kwaminyaka ilimakumi aane? Teebaabona bakabisya, bali amibili yakaloba munkanda? 18 Alimwi nkuulini nkwakakonka kuti tabeelede kunjila mukulyokezya kwakwe, pesi nkuuli baabo batalemeki? 19 Aboobo tubona kuti bakakachilwa kunjila nkaambo kakutasyoma kwabo.