1 Bayib reb e rran ni bayi tang e girdi’ ni yad be ga’ar,

"Gu be pining e sorok ngom, SOMOL! Um damumuw ngog,

ma chiney e kam fal’eg lanin’ug ma ke chuw e damumuw rom.

2 Got e ta’ayuw rog;

Bayi pagan’ug ngak ma dab ku gu tamdag.

I SOMOL e pi’ gelingig;

ya ir e ta’ayuw rog.

3 Ni bod rogon e ran ni be’ech nma yibnag e felfelan’ ko pi’in ke yim’ ko balel,

e aram rogon e girdi’ rok Got nma felfelan’rad ko ngiyal’ nma aywegrad."

4 Bay reb e rran ni bayib ni bayi tang e girdi’ ni yad be ga’ar,

"Moged e magaer ngak SOMOL! Mu pininged ni nge ayuwegmed!

Mogned ko urngin e nam e tin ke rin’!

Moged ngorad feni sorok!

5 Mu tang niged SOMOL ni bochan feni sorok ko pin’en ke rin’.

Muguyed rogon ngan rung’ag u ga’ngin e fayleng murung’agen.

6 Urngin e girdi’ nma par u Zion e nge tolul ngalang me tang!

Got nib thothup rok piyu Israel e ba sorok,

mma par u fithik’ e girdi’ rok."