LUKA 1

Mary Hlaw

46 Mary nynh,

"Ka thinlung nynh Bawipaw kha

the a hoysah,✝1.46-55: 1Sa 2.1-10

47 ka hiinnaw tuh yn Khumtu

Pachia kya a lungtua.

48 Pawccecize a seenung

a nyaanaw kha ningpah khyh.

Atu te she takyh kya

hythua ccounung cite

yn ko vae cih hae.✝1.48: 1Sa 1.11

49 Pawccecize Athungpaw Pachia nynh

myarya lepaw uccaw hae kha

ka hanlan yn cyipya vae;

a min tuh athyaa.

50 A thawccinaw tuh amaw raw

a rih hae paw tungvaw kya

she takyh atyn.

51 A thungnaw khate

a thawzung kha a langsah;

mih thinlung kya

a lysakuh hae paw kha

pong a phiasaku hae.

52 Athungpaw ccungccaw hae kha

mih bawitungkhung kyate

sahbung hae zah,

a nyaa hae paw kha a hangthung hae.✝1.52: Job 5.11, 12.19

53 Mih vuelaw hae paw kha

uccaw hoypaw te a kua hae,

mihoi hae kha mih kuih ccakaete

a cciasah hae.

54,55 Ah minpaawhae kya,

Abraham kya te

a ciihan hae kya a hosya vae hawte,

a ngaethya-umsahnaw kha liathui zah

a seepaw Israel kha

phe a bawm vae," a ci.✝1.55: Gen 17.7