Lucas 6

Sabbath Nin kya A Dansah hae

6 Ccangpaw sabbath nin kya Jesu tuh sinakok lungkhu lang tee zah a ccangpya hae, tuin kya a ranglang kuih achihpaw lu kheit a um. 7 Kawbya sazae hae te Farasi hae nynh Jesu tungvaw seibenaw ccungpya khylan sabbath nin kya ccinaw yn dansah ta, cite a dokhaw hae. 8 Thuasalama Jesu nynh mih tuanaw kha nyh zah a kuih achihpaw ccungccapaw kha, "Yn cceih lah hein kya thadyn," a cipya. Aning tuh thokuh zah tuin kya a thadyn. 9 Jesu nynh minmin kha, "Bya kae khiatua oh sah: Sabbath nin kya ahoypaw cyi lan kawbya nynh a ua tou? Tuhkhyhze ahoy leipaw cyi lan tou a ua? Hiinnaw kha so khum lan a ua tou? Tuhkhyhze chia lan tou a ua?" cite a khia hae. 10 Minmin balyn kha pong do hae zah, Jesu nynh tuh-e paw tuh, "Na kuih kha dyngtua," a cipya. Aning nynh a kuih kha dyng zah voikheit lang hawte phe ahoy vae.