A fé vem pelo ouvir
A fé vem pelo ouvir, e o ouvir pela Palavra de Cristo. Quando a Palavra é proclamada, a fé nasce nos corações. Ouvir a Deus é o primeiro passo para crer e seguir.
A fé vem pelo ouvir
A fé vem pelo ouvir, e o ouvir pela Palavra de Cristo. Quem ouve a Palavra crê e obtém a salvação eterna.
Ngani heje nga kwa bhandu bhoa, kwa kubhee kwaakwa kulengania pakati ja Bhayahudi na bhanga Bhayahudi, jonojwe nga Hangwana bha bhandu bhoa, jwabhii jwammbone kwa bhoa bhabhaajopa, kwa kubhee Majandiko ga Annoongo galobhola, "Kila mundu jwapakwaakema Hangwana kwa kupala kujangatilwa, apakuokolewa."
Nambo bhapakwaajopa bholi bhenabho kongo bhabhi ngaahobhalela? Kabhele bhapakombola bholi kwaahobhalela bhenabho bhangannyoanga? Bhapakwaajohanikia bholi panga kutangachiwa na bhandu? Na bhandu bhapakutangacha bholi handa bhangalagilwanga? Handa chigalobhola Majandiko ga Annoongo, "Nga chikubho chammbone muno kuhika kwa bhenibhala bhandu bhabhatangachanga Ngani Jammbone!" Nambo ngabha bhandu bhoa bhabhapokile Ngani Jammbone. Jenje nga maana alondoi Aisaya alobhola, "Hangwana, nga aganiki jwahobhalile ngani jitu?" Henela bahi, kuhobhalela kujemekela kwa kujoanikia Ngani Jammbone, na jene ngani jitenda kubhokana na lilobhe lya Kilisito.
Ndendakupala kuimanya tu chilebhe chimo kubhoka kwachinunji. Bholi, nkapokelanga Mboomo jwa Annoongo kwa kupangana genigala gagapalikwa na malagilo au ligongo lya kujijoa na kuhobhalale Ngani Jammbone?
Hela hela na mwangota mwa bhandu bhanga Bhayahudi, nkajoanga ngani ja kweli nga Ngani Jammbone jijikaaletelanga ukombohi kwa kwaahobhalela Akilisito. Annoongo ili kulangania mwangota nga bhakwe akammekanga chilolelo kwa kumpekea jonijola Mboomo jwakwe jwaakalobhola kubhee apakutepekea. Mboomo jonojwe nga jwaapakututenda tupokele genigala goa Annoongo gabhakalobhola kubhee apakwapekea bhandu bhabhe, chikubho hecho chitulangia kubhee Annoongo apakwaakomboanga bhandu bhabhe. Twenga tulumbalile ukolo gwabhe!
"Kweli ndendakunnobholelanga, mundu joajola jwaajoa malobhe gangu na kwaahobhalela jonijola jwandumite, akweti umomi gwa machobha goa gwangapela. Na jonojwe ngahukumulikwa ng’o, nambo apakubhee apetite kubhoka kumalilo na kujingila mu umomi gwa machobha goa.
Kweli ndendakunnobholelanga, lichobha lipakuhika, nangocheni gahikite, bhabhawilinge pabhapakujoanga lilobhe lya Amwana bha Annoongo, na bhenaangota bhabhapakujoanga bhapakubhee bhamomi.
Jwakwa mundu jwaakombola kuhika kwaachangu, handa ngahutwa na Atati jwaandumite, na nenga mbakwayoa lichobha lya kupela. Akaalondohi bha Annoongo bhatekujandikanga, ‘Kila mundu jwaajoanikia na kuelewa chibhalongela Atati, na kuchijigana kubhoka kwaachabhe, jonojwe jwahika kwaachangu.’ Jwaakwa mundu jwaammonite Atati ila nga jonojwe jwakabhoka kwa Annoongo, jonojwe nga jika jabhe jwaammonite Atati. Kweli ndendakunnobholelanga, mundu joajola jwaahobhalela akweti umomi gwa machobha goa.
Ouvir e obedecer
Felizes os que ouvem a Palavra de Deus e a praticam. Quem tem ouvidos ouça o que o Espírito diz.
Ayesu bhakajangula, "Nambo bhatekundelwa gammbone bheni bhala bhabhajohanikiha lilobhe lya Annoongo na kulijeketela"
Bhabhakweti na machikilo gakujioanikia na bhajoanikie!"
Ngapena bhakaalobholelanga, "Nnyaulange pachilambo poha, nkatangachange Ngani Jammbone kwa bhandu bhoa.
Kwa bhenaangota gatekweela genigala gabhakalobhola alondoi Aisaya kubhee,
‘Habha bhandu bhapakujoanikia na kujohanikia, nambo ngaimanya
Bhapakulolanga na kukulola, nambo ngalolanga.
Kwa kubehehe habha ngakombola kuimanya kwa kupepeka,
ngajoha kupetela machikilo gabhenji,
na bhakanitinge kukola ukweli.
Handa hopo bhakalolite kupetela miho gabhenji,
na kupetela machikilo gabhe,
bhakaimanyite kwa luunda lwabhe lwabhenji,
na kundendebhukia, bhalobhola Hangwana,
na nenga mbakwaalamia.’"
"Nambo nhachukange mwangota, kwa kubhee miho ginunji gatendakulola na machikilo ginu gatendakujohanikia.
Hilebhe hiyaatenda amundu bhakanikwe mu kwaakotimia Annoongo
Ayesu akagukema gonigola nkutuli gwa bhandu, bhakaalobholelanga, "Nnyoanikiange, na nhelewange!