A palavra
A Palavra de Deus é viva, eficaz e mais cortante que espada de dois gumes. Ela é lâmpada, alimento e purificação — tudo o que o cristão precisa para viver e crescer em fé.
Iso iyi Ukpo iyi la reyi, ba i yi mu ɛduma iwomo, i rimo i ka ukpandɛrɛ uwu e rimo mu ɛsu epepo yi mo, i kpolo nzhii ba mɛmi mba bɔkɔ kwunyɔ mbala kwundu i kpolo esu, laa esa laa ingyi. Iyi bɔkɔ onzu a ra yi mu egbo wu iso iyi Ukpo ii wa yi kwudu.
Mu iyemo Iso ɛlɛ iyi mɔmɔ; Iso ɛlɛ i yi mbala Ukpo, Iso ɛlɛ akwu Ukpo.
Iso ɛlɛ i vindɔ onzu uwu bɔkɔ esheshi mbala ongbulolo i nyɔlɔ wu ma duduu akwɛyi a ŋɔ mbala nzu. Kinzu ki ma inzumbɛku wu, inzumbɛku iyi bɔkɔ a na kwuwongu akwu Umɛ Uwɛnyi uwu Ada.
Kwundu uwu Ukpo gba ee shi kwunyɔ le; ɛnwu ba i do kiya kinyinyi i womo mo. Iso iyi mi so yi ele akwu Kwundu ba akwu kwunyɔ.
Lunyi lu wuluma kwuwongu iso iyi bɔkɔ mi so yi.
Ɔzhizɔsi ba a gba wu opwu tee, <<O ka yi ma mu kwokpo ungwu iso iyi Ukpo tee, Akwu mu kiya ingyirimo kɛɛkyi gba onzu ee yi kwunyɔ le mo, i kyo mbala iso iyinayina iyi i wɔ mu kenzu unga Ukpo tete.>>
Oshi mbala ɛzhi i tomo, iso mi ba i tomo mo.
Bɔ kuyi mu ɛduma iwomo kaa zɔ ɛŋɔ mu idu iyi Ukpo te ŋɔ kwu onzu uwu bɔkɔ Ukpo a nyama la wu, onzu u wo ɛduma uwu lovya lu wo wu mo mo, onzu u zɔ ɛzu iyi ongbulolo.
La lu wo lonzu undu iso iyi Ukpo ɛsɛsɛ kyamate ɛmɛ umbelu o wo lonzu undu kwɔmɛ tayi. Iyi i shi yi lu bulɔma kaa la lu fya isama.