Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Bosate kunigã nɖe inɔkpa karɔ̃isɛ,
ɣɛɛ madzunisɛĩ sɛ manyɔ iwola gu ikpadzɛ̃ pupurii.
"Bosate kunigã nɖe iwola karɔ̃isɛ;
Ɔsekelea itsue nɖe ara karɔ̃inɔ.
Bosate kunigã sɛ kute ɔturi iwola,
fiɛ karɔ̃ibɔso sɛ iba fiɛ kuwarɛ.
Ara kɛkɛĩ wa i ɔturi ba fiɛ Bosate kunigã ɔbua iso
lɛ iɖo karana gbodzoo ga i amɔrɛã ɔbua.
Bosate kunigã nɖe iranyanyariã itsiri.
Lotsiri iteso gu katoikɔlɛso.
Lotsiri nsɛgbai nyanyariã gu mila atɔ̃me iɣɛ.
Karɔ̃ibɔso gu Bosate kunigã,
sɛ atã karana gu kuwarɛ gu ngbã tagbaraa.
Daanyɔ so sɔ aɣe iwola.
Nigã Bosate, si asɛ̃ ikpi.
Nnɛgbe to iatã fɔ sosina isosarɛ
fiɛ iapia fɔ akui ɔle.
Situriire ne, kasɔla iɖe fiɛ kulɛ ne, ira siefe iɖe;
ɣɛɛ ɔrɔ̃go wɔ nsɛ ɔnigã Bosate ne, ilɛ sɔ maale wũ.
Kiniɔ ne, Israel kaɖe, nnɛ i Bosate mi Ɣaa to ɔbie ɔbɔrɛgu i mi kɔrɛ nɖe sɔ, miwarɛ Bosate mi Ɣaa si misɛ i ɔ̃ siri ɔɖuɖu iso. Miɖuɛ Bosate mi Ɣaa si misumu wũ ku mi sikala gu mi situ ɔɖuɖu. Mibara i Bosate mmara gu asɛ̃ra iso. Nto losu wã lotã mi nɔme ala mi isɛɛ ɔso.
Ikote sɔ miasiai Bosate mi Ɣaa fiɛ ɔ̃ ikote sɔ miawarɛ ku kunigã. Mimɔɛ̃ ɔ̃ mmara mila si miwarɛ wũ. Misumu wũ si mipɛ mimatã wũ.