Adoração

24 Ɗalapa upɛ Suru, shɔgbeteyi i basiuyɛ ɔ̃riyitɛ kaka jazɨng akɔrɔ i basiurɛ nagbete ɔ̃yɛ.>>

23 Ama ɗau kaanɛ, pɛli tɛttɔ gboti, Shɔ gbete Ɗa Suru kaka a yiniyɛ, i yɛ bassi Ɗalapa tɔ, a sisɨn gbete a Suru, i ãu ji bassinɛ gbete au kasiyɛ. 24 Ɗalapa upɛ Suru, shɔgbeteyi i basiuyɛ ɔ̃riyitɛ kaka jazɨng akɔrɔ i basiurɛ nagbete ɔ̃yɛ.>>

21 Yesɔ geli suu nɛ,<<Ã sisɨn ang bi suum, ɗaa yɛ atɔ gbete shɔ yɛ bassi Ɗalapa toti a kɔpɔ, ko a Urushalimankɔ ɓa. 22 Pɛ nizɛ ɔ shɔ Samariya ɔ ji zɛ shɔgbete ɔ basiuyɛ ɓa; Ama u Yahudawayi u zɛ shɔgbete u ɓassiu ɓɛɛtɛttɔ, aruviya shɔshɔraanɛ shɛjo atette Yahudawayikɔ. 23 Ama ɗau kaanɛ, pɛli tɛttɔ gboti, Shɔ gbete Ɗa Suru kaka a yiniyɛ, i yɛ bassi Ɗalapa tɔ, a sisɨn gbete a Suru, i ãu ji bassinɛ gbete au kasiyɛ.

38 Jaau shanɛ,<< N ã sisɨn tɛ Uɓeyelapa!>>A ta a yugboti a Yesɔ ɗekɨn.

10 Yesɔ kasiunya nɛ, <<Yɛ kawa, japɛ̃pɛ̃ɛ̃ǃ Labeenɛ shanɛ: Shɔzɛ u gɨn Uɓeyelapa a Ɗalapa, a bassi jo ukɔ shɛli.>>

8 Yesɔ kasi nyanɛ, <<Ɗalapa nya ruu bi shanɛ, a gee jo Ɗalapa nya kɔ shɛli!>>

Ɔ̃nɛ a suru a Ɗalapa vishonɛ

1 Kɛɗɔn masayi aru Ɗalapa shɔ raantanɛ pɛ̃niba n gaki ɔtɔ ɔ ã yuutɔ: ɔ ɔ̃ a suru ni wɔsɔ-wɔsɔ gbete Ɗa yɛ tɛɔ yɛ, aru shɔmkɔ ɔ̃rɛ Ɗalapa shɔ vɔ susari tasinɛ nizɛ.

Ɔ̃nɛ a suru a Ɗalapa vishonɛ

1 Kɛɗɔn masayi aru Ɗalapa shɔ raantanɛ pɛ̃niba n gaki ɔtɔ ɔ ã yuutɔ: ɔ ɔ̃ a suru ni wɔsɔ-wɔsɔ gbete Ɗa yɛ tɛɔ yɛ, aru shɔmkɔ ɔ̃rɛ Ɗalapa shɔ vɔ susari tasinɛ nizɛ. 2 Ɔkɔ ɓusi jakɨntimiyi vitɔ̃vɨng gelinɛ nɛ, ɔ yaa ɔ ruuvini pɛlinɛtɔ, ɔ kɔsi sisɨntɔ awɔ nyaba ɔ̃nɛ piti kpai, nɔgbete ɔyɛ zɛ vigbete Ɗalapa kasi nɛɔ pɛliyɛ, ukɔ ɔ̃rɛ vigbete tɔ̃vɨn a nyaba gbete Ɗalapa kasiyɛ piti kpai.

36 Aru vi kpai ukɔ shɛshirɛ, toti vi kpai i ɔ̃ ji au kabiikɔ u ɓɛɛkɔ. Bassinɛ u ɔ̃ pɛ Ɗalapa bi dangdangǃ Nankɔ.

11 Aru Ɗalapa nyaruubii shanɛ,

<<Ɗalapa shanɛ n tɛɛ tɛ ang ɗɔɔ ɔ̃nɛni, kopi yugbot shopiya yɛ taa ang ɗekɨn u geen nyarɛ,

kopiya yɛ taa a yugboti ang ɗekɨn,

kopiya yɛ sha au nya nɛn pɛu Ɗalapa.>>

11 <<Uɓeyelapa au Ɗalapa! A yɛtɛtɔ

a tɛ bassinɛ, banɛ, a kakani.

Aruviya mɔkaa shɛshi virɛ piti kpai,

jo a kasinɛni a pɔ̃rɛ i ɔ̃ a suruni.>>

7 Ɗenya a kakani a shanɛ, <<Ɔ nta Ɗalapa setitɔ, ɔ bassiutɔ, Ɔ bɛliu banɛtɔ! Aruviya ɗaa pɛlitɛ au yɛ yeeruu a shɔ yuu pitini. Ɔ bassiutɔ shɔ gbete shɛshi kolapa, kotipi, wapo, a ɗɔgbete mii ɓu ɗɔnyɛ!>>

4 Piyɛ ntaa seti ɓa piya Uɓeyelapa?

kɛpiyɛ bɛ̃ɛ̃ a bassinɛ piya?

mɔkaa ɔ̃rɛ shɔ wɔsɔ-wɔsɔ sheeli.

shɔzɛ koo piti i yɛ aa ɗɔbiitɔ

i bassaa rɛ,

aruviya a vipɛlinɛ tɔ̃vɨn kopiya zɛtɛttɔ piti kpai.>>

8 Nkɔng Yɔhana, n ntatɛ n zɛ vimiyi tɛttɔ kpai, akɨnti gbete n nta vimiyitɛ n zɛyi sɔ̃ntɛ, ɗajashonɛlapa au tasing vimiyi yɛ n nwesi au ɗekɨn, n kasiu bassinɛ. 9 Ama a gelin nɛ,<<Mɔkaa pɛlinɛ nankɔ! N pɛ jo jawɛrɛkɔ a mɔkɔni a mɛzɔyi janyagadiyini piti a shɔ gbeteyi gɨn ruu labeenɛmni kpai. Bassi Ɗalapa!

9 Aruumkɔ Ɗalapa basiu fɛ̃ɛm tɛɛ vi piti kpai.

a ãu nii gbete au tɛɛ nii gãsiyitɔ piti kpai.

10 Aru Yesɔ nii bassinɛ

vi piti a lapa a kotipini, a koo gbete a tɔ̃ɔ̃ tipi dii,

i yɛ ta a yugboti a Yesɔ ɗekɨn

11 i piti kpai i yɛ nwa Yesɔ Kirisi ruubiitɔ nɛu pɛ Uɓeyelapa,

aru shɔu bassi Ɗalapa u Ɓeye.

15 U ɓɛɛ ɓɛɛ jo u yɛ ɗekɨn a Ɗalapa bassinɛni a Yɛsɔ kabii, ukɔɔ ɔ̃nɛ u nyanwanɛ aru ruuvini pɛlinɛ yanɛ a Uɓeyelapa nii bassinɛ.

28 U dɔ̃ri Ɗalapa tɔ u kpa ɓɛɛjo Ɗa kpati roonɛ gbete shɔyɛ zɛunɔɔ bi gulinɛ ɓayɛ, aru nankɔ u bassi Ɗalapa niitɔ tɔ̃vɨn au seti ntanɛni; 29 Pɛ nizɛ u Ɗalapa upɛ yaa gbete lɛsi ɗɔtɔyɛ.

19 Ɔ nwari zɔ nya a ruu Zabura, ɔ tɔ̃ɔ̃ soo beelinɛ a soo wɔsɔ-wɔsɔyini; ɔ tɔ̃ri Uɓeyelapa soo ɓeline a Zaburani a ɓelinɛni awɔ sisɨn.

16 Ɔ̃rɔɔtɛ kaka jazɨng a kɔrɔ Kirisi nyaruubii u ɔ̃ awɔ sisɨn fɛ̃ɛm. Ɔ mati zɔ vitɔ, ɔ kosi zɔ nyatɔ a sẽrẽ gbete ɔ a wuniyɛ . Ɔ ntɔɔ soo Zaburatɔ a soo Ɗalapa nii bɛlinɛni a soo gbete Ɗasuru ãwɔyɛ; ɔ ntɔɔri Ɗalapa soo dɔ̃rinɛtɔ awɔ sisɨnni.

25 Simɛnɛ atette zɨmba Bulus a Silani a nyazɔɔ i si ɗɔ Ɗa gakinɛ a soo tɔ̃nɛ Ɗa ɓɛlinɛni, shɔ jaahm gãsiyi i ɗɔ gbeteyi wesho ai nyayɛ.

Bulus Dɔ̃ri Ɗalapa

3 U dɔ̃ri Ɗalapanɛ gbete ukɔ ɔ̃rɛ Uɓeyelapa Yesɔ Kirisi Ɓeye, u pɛ Uɓeye au ntashɔratɔyɛ, Ɗalapa gbete pɔ̃si shɔ naa a vi kpaiyɛ! 4 Yɛ pɔ̃siunaatɔ au ɓuzɨn raɓooni kpai, aru u kpaa kaka nɔgbete u yɛ pɔ̃si shɔwɔyi naa jo ai ɓuzɨn raɓoonɛ tottot, u pɛli vishonɛ jo a naapɔ̃sinɛ gbete u kpaa a Ɗalapa ɗɔbiiyɛ.

3 Vigbeteu zɛyɛ, au ntayɛ u gelɔɔ sɔ̃njo ukɔ, nogbete ɔ ɓasiyuu a ukɔɔni a nyaba gɨnnɛ gbete u a ɓuzɨn au Da, a ɓɛɛjaa Yesɔ Kirisini.

42 Ama Ɗalapa risiyi kntirɛ, a ãyi naarɛ nɛi gɨn sɛyi a kolapa, ji nagbete shɔ bee a laabeenɛ janyagadiyi:

Ɔ shɔ Israila!

ɔ ji yeerin vivaayi ji ɓa ɔ ji ãng viyuu ãnɛyɛ ji ɓa

a saa laa ziti a ɗɔ gbete laa ɓa ɗɔn bang ɓayɛ.

43 Ɔ tuu taali jaɗa molɛk

a sɛ jaɗa jasuru shɔ ɓaanɛ Refan,

ikɔyi ɔ̃rɛ jaɗa gbete ɔ pɛliyɛ nɛi basiyɛ.

Aru gbetenkɔ n yɛn ãwɔ naa ɔ tɛɛ tipi Babila tɔ.

18 Ɔkɔɔ yaa shɔwɔyinɛ i tasiyi yuu nɛyi pɛ̃niba i nyowɔ ruurɛ nɛ ɔ rooriyuu ɔ bassi ɗajashonɛyi, shɔmiyi i shanɛli nɛyi zɛvi ɗekɨntɔ i yeeli shɔ nya nɛyi shɔ yuuroorinɛ i kã bɛlinɛ a shɔzɛ ɗekɨn. I bassi yuu ji weze, shɔmiyi kpai i tuu ɓɛɛ jo lɛrinɛ shɔzɛ kotipiyi 19 i yaa sisɨn ãnɛtɛ a Kirisi biini, shɔgbete ukɔ ɔ̃rɛ yuu a bi. Pɛ Kirisikɔ pɔ̃u birɛ kpai i barɛ a suru, ji nagbete yuu pɔ̃ bi bayɛ, ukɔ ɓasi bi aka gboki a rɨti i bakɛkɨn nagbete Ɗalapa kasi nɛu bayɛ.

3 Mɔkaa yaa shɔwɔnɛ u ɗakarɛ ko-pi nyaba shɔpiya. Leeu yɛ a ɓa aruviya Uɓeyelapa Yesɔ ɓɛɛ anɛ setɛ shɔzɛ waanɛ i risi Ɗalapa kntitɛ, shɔlanɛm yɛ shɛrɛ, yɛ yɛkɛ wɛrɛ yaa. 4 Shɔlanɛm yɛ ɔ̃ nɔpɔ̃ a ko-pi jaɗa shɔpiyani, ko vigbete shɔ basi yɛni piti kpai yɛ basiu yuu ai ɗekɨn, yɛ yɛrɛ u ɔ̃ a wɛrɛ Ɗa u tasiu yuu nɛnkɔ ɔ̃rɛ Ɗalapa.

8 Ɔ aa Ɗalapani maani, ukɔma yɛ a maani a ɔkɔɔni. Ɔ shɔruuvini ɔ yaa ruuvini pɛlinɛtɔ! Ɔ shɔ yɛti ziti ɔ kɔsitɔ!