O adultério
O adultério é pecado grave que destrói alianças, famílias e vidas. A Bíblia condena firmemente a infidelidade conjugal e chama à pureza, fidelidade e santidade no casamento.
A lei de Deus
Não adulterarás. Quem comete adultério destrói a própria alma. A Palavra de Deus é clara e direta sobre este pecado.
Jesus ensina
Quem olhar para uma mulher com intenção impura já adulterou no coração. Jesus elevou o padrão da pureza.
<<Ku zi de su pala nkye, <Kede ku kwana nja mata nse da.> Sede Na gye ku kuzukam, du nsude kone mase de e yi memeri a dishiya e yi e rigye e kwana nja e shi a dishiya e yi naka.
Sede Na gye ku guru nsu de kula mata yi, mbade e keyi yaa kwana nja yaa minzi da ba, e sa yi de e ma nsu lepi kwana menza worosu su naka, du nsude amere mase de minzi yi kula yi e yi lepi ni kwana nja mata nse da naka.
Dege a siki dishiya la mungu tunani yaa zo, kisa nse, kwana nja mase de maana ke ba, bolowa, goyi beyi ni nsu yaruwa, pala mbo mumungu a kiya nseda.
Yesu keleba nkye, <<Du nseminji de kula mata yi de amere mase daa e yi lepi ni kwana nja mata nseda nja e sa mata yi de yi lepi. Nde mase kisa amere nja minji e yi de e yi amere nja nseminji daa, e yi lepi kwana nja mata nseda aka.>>
Du nsude shika mata yi de yi amere nja mase daa yi zina naka, du nseminji de yi amere nja mase de minji yi shika yi e shi ma du e yi zina naka.
Su gye Yesu nkye, <<Male, mase mu mu keyi de kwana nja minzi de ma na yi ba. Doka Musa kokoyi mu nkye mu ribi yiri mata worosu mu ndunsi. Mina e ke ka pala?>> Su minya Yesu yomuna de su gwade yi, ko sua keyi ni lepi de su te nkara yi.
Sede Yesu dunkye a kisi yaa yi rubutu ni yaa nani yi. De su sigeba ni minya Yesu, se Yesu dege sakisi a bisi gye su nkye, <<Nde nseda a siki aku taba yi lepi ba, e para ribi mase mu ndunsi.>> Yesu kwa dunkye a kisi yi rubutu a kisi.
De su zi yomu, ntani su para beeta bila ayan daa daa, dege kiya tolense zo a kiya yaa dende, su bila Yesu e shi dandaa e yi nja mase ni sakisi anya ni. Ayan Yesu dege a bisi minya mase ni nkye, <<Mase, su managa? nseda rigye de poro bo?>>
Mase ni keleba nkye, <<Tonse, Nseda yi ni poro ni ba.>>
Yesu gye yi nkye, <<Eni ma Ni yi ke shiriya ba,>> <<Ki te ma ke sede kede ki sakye yi lepi.>>
Armadilhas e consequências
Os lábios da mulher estranha destilam mel, mas o seu fim é amargo. Fuja da imoralidade — o adultério escraviza.
Ku yi gudu bila ali nungwe. Guru worosu su lepi de nsebeki yaa yi e ma nki aba, sede nsude yi ali nungwe e bebeta nki yi naka.
Mbode Mma bila de ku shina e shiya ma, ku bila de Aworo Mirikisi e nana ku yiri de kwa yi zunwa, nde ku yi yomu kwa taba yi zunwa yiri ali nsebeki ba. Sobon mumungu zunwa ni nsebeki yaa yi geba nja Aworo Mirikisi, Aworo Mirikisi yaa yi geba nja zunwa ni ali nsebeki. Guru asu sua yi geba nja nkiasu, sobon kede ku yi mbode kwa bila de ku yi ba.
Zunwa ni ali nsebeki e ma a pili: Osu na ma kwana nja mase ko ni minzi de su yi amere ba, nja ali nungwe sususu, kazanta nja so zunwa dadi de man kyawu ba, nja bowuta boka, nja ali ni dobo nja ali geba nja nkyiaku, yi rikishi nja nkyiaku, ni kishi ni nkyiaku, nja anwashi, nja so kiya ku, ni lalaba nkyiaku, nja dege ankeli, nja ali sha bugu, ni yi buki ni sha mbo yiri yiri, yiri mbo worosu mu. Ni ma ja ku kuni, kankye yiride ni ja ku kuni dege pari, nkye guru worede su ma yi yiri zunwa mu sua mani gado solota gizi Mirikisi ba.
Amere e ma mbo dereja anya ku guru, nseminji amere nja mase amere su yi aminshi nja nkiya su. Sobon Mirikisi yaa yi guru worede su meyi nungwe nja worede su ma kwana nja mata nseda shiriya.
Da mu nama nupi Mirikisi de e sa ku kuma nsuseki: sobon yomu ku bila ali lepi nungwe; konse e shina yiri de yaa ka nki e yi a siki turiki de e mani seki, ba ni mumungu memeri ba yiri ni worede ma Yawudawa ba su mayi, worede shina Mirikisi ba;
Oku ntani mere aminshi, ku shina nkye yi oboki nja ntani durinya yaa sa geba nja Mirikisi na bo? Du nsu de e zabi de yi oboki nja durinya e ma oboki geba ni Mirikisi naka.
Ni beyi kwanki de juyi bila lepi, sede e ki de juyi bila lepi mase ki laki. Sobon yomu Na sa yi de yi suwo e shi nja worede sua kilaki de su Genbeki. Na yi mbo mu kuzukam se nde su juyi bila mungu mbode sua yi nja shi.