Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Tughende hambele hake aku twolonga mighede,
na kumwimbila wila wa ukudeng’elela.
Mwingile mna ghamalango ghake aku mwolonga mighede
na mbite akuno mwodeng’elela mna ipfibwalu pfake,
mlonge mighede na mlitunye litaghwa lyake.
IMNDEWA yatunyighwe! Mlongeleni IMNDEWA mighede,
kwaapfila yeye kanogha,
uluso wake mkulu wokala matsuwa ghose ing’aghomala.
Ghwegwe kwa Imulungu wangu,
na nene nitsolonga mighede kuna ghweghwe,
nitsokutunya ghwe Mulungu wangu.
Mmwimbile IMNDEWA tsiwila tsa mighede,
mumtowele ching’weng’we Imulungu wetu.
Nitsolitunya litaghwa lya Imulungu kwa ukwimba wila,
na nitsomtunya kwa ukumlongela mighede.
IMNDEWA yuyo iyali tsingupfu tsangu, na ingao yangu,
ghumoyo ghwangu ghwehuwila yeye,
na nene nyapfilighwa,
ghumoyo ghwangu ghudeng’elela,
na nene nitsomwimbila wila wa mighede.
Lelo twolonga mighede, Ghwe Imulungu wetu, na twolitunya taghwa lyako kulu.
Mleke ukwalangula mne mbuli yoyose, ila kwa chila chinu mumlongele Imulungu kwa kulomba aghala ghambama na kwa kumlongela mighede.
Nolonga mighede kwe Imulungu wangu chila hanimkumbukani,
Na chochose chamtenda au chamlonga, chobamighwa chitendighwe kwa taghwa lya Imtwatsa Yesu, mumlongele mighede Aba Imulungu kubitila yeye.
Twolonga mighede kwe Imulungu ghamatsuwa ghose kwaajili yenu wose, ghamatsuwa ghose hatulomba twomkumbukani. Mana hambele he Imulungu Aba wetu, ng’atuleka bae kukumbuka sang’ano tsenu itsilangusa inoghola yenu na itsilangusa unoghelo wenu, na pfamumlolela Imtwatsa Yesu Kiristu kwa ukududumila.
Nolonga mighede kwe Imulungu ghamatsuwa ghose kwa uluso iyawatendele mwemwe kubitila Yesu Kiristu.
Lekeni mighede kwe Imulungu iyotutenda tuhume kubitila Imtwatsa wetu Yesu Kiristu.
Lekeni mighede kwe Imulungu iyotutenda tuhume ghamatsuwa ghose kubitila Kiristu, na kubitila twetwe itukwenetsa imbuli ye ukummanya Kiristu chila hanu hatumsang’anila ka nung’o inoghile.
Imulungu iyomwing’agha imbeghu ayula iyohanda na iyomwing’agha ichijo, pfipfila katsomwing’ani mwemwe mbeghu tsambama, kuya katsotsitenda tsote, naye katsakongetsa ghamapfuno kwa uluso wenu. Namwe mtsobweda kwa chila chinu ili muwe na uluso chila litsuwa, na kubitila twetwe iwanu watsolonga mighede kwe Imulungu kwa uluso wenu.
Mwilongele kwa mbuli tsa Tsaburi na nyila tse chimuhe. Mwimbileni Imtwatsa, mdeng’eleleni mne mimoyo yenu. Ghamatsuwa ghose mumlongele mighede Aba Imulungu kubitila taghwa lya Imtwatsa wetu Yesu Kiristu kwaajili ya chila chinu.
Chila imunu yamtegheletse myaghe kwaajili ya kumpfuka Kiristu.
Kuya Yesu kasola pfighate pfila pfitano ne iwasomba weli, kalola kulanga, kapfibaliki kuya kapfibena pfighate pfila. Kaweng’a iwanang’ina wake waweng’e iwanu. Pfipfila kawagholela iwanu wose iwasomba wala weli. Iwanu wose waja weghuta, ne iwanang’ina wake wadondola pfighate ne iwasomba yawakalile wamemetsa pfiseghe kumi na pfili.