Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Nyɛ ha nɛ waa ba e hɛ mi kɛ sina, nɛ wa la kɛ bua jɔmi kɛ ha lɛ.
Moo sɛ e agbo ɔmɛ a mi kɛ sina; nɛ o sɛ e kpe he ɔmɛ kɛ yi jemi. Moo na lɛ si nɛ o je e biɛ ɔ yi.
Nyɛ je Tsaatsɛ Mawu yi! Oo, nyɛɛ na Neneene Tsɛ ɔ si, ejakaa e hi, nɛ e mɔbɔ nami ngɛ daa.
Mo ji ye Mawu, i ma na mo si. Mo ji ye Mawu, i ma je o yi.
Nyɛ la nɛ nyɛɛ na Neneene Tsɛ ɔ si; nyɛ la kɛ kpa saku nɛ nyɛ je wa Tsɛ Mawu yi.
Kɛkɛ ɔ, i ma la kɛ je Mawu yi. Ye sina maa pee e yi jemi.
Lɛ nɛ e buu ye he nɛ e baa ye yi. I ngɔ ye hɛ kɛ fɔ e nɔ nɛ e ye kɛ bua mi. I na bua jɔmi ngɛ ye tsui mi nɛ i je e yi kɛ yi jemi lahi.
Nyɛ ko hao ngɛ nɔ́ ko nɔ́ ko he, se mohu nyɛɛ sɔle ngɛ nɔ́ tsuaa nɔ́ he, nɛ nyɛ de Mawu nyɛ hiami nihi. Nɛ ke e ha nyɛ heto ɔ, nyɛ hɛ ko je nɔ nɛ nyɛɛ na lɛ si ngɛ he.
I naa Mawu si babauu ke i ngɛ sɔlee kɛ ha nyɛ ɔ.
Nɛ nɔ́ fɛɛ nɔ nɛ nyɛ ma de aloo nyɛ maa pee ɔ, nyɛɛ pee kulaa ngɛ Nutsɔ Yesu Kristo biɛ mi, nɛ nyɛɛ gu e nɔ kɛ na Mawu nɛ ji Tsɛ ɔ si.
Wa naa Mawu si daa ngɛ nyɛ he, nɛ wa sɔleɔ kɛ haa nyɛ be fɛɛ be. Wa kai nyɛ suɔmi ni peemi ni kpakpa amɛ ngɛ wa sɔlemi mi, kɛ nyɛ hemi kɛ yemi nɛ nyɛ kɛ ngɛ wa Nutsɔ Yesu blɔ hyɛe ɔ.
I naa Mawu si daa ngɛ dloomi nike ni agbohi nɛ e ngɔ ha nyɛ ngɛ Kristo nihi nɛ nyɛ ji ɔ he.
Se sina ha Mawu, nɔ nɛ ha wa ye kunimi kɛ gu wa Nutsɔ Yesu Kristo nɔ ɔ.
Se sina ha Mawu, ejakaa kɛ gu nɔ́ nɛ Kristo tsu ɔ nɔ ɔ, e haa wa yeɔ kunimi, nɛ wa jajeɔ Nutsɔ ɔ Manye Munyu ɔ ngɔ tsɔɔ ngɛ he fɛɛ he nɛ a nyaa he.
Nɛ Mawu, nɔ nɛ haa ngmɔ hulɔ dumi wuhi nɛ e duɔ, nɛ lɛ nɔuu e haa e kpaa yiblii fuu nɛ e yeɔ ɔ, e ma ha nyɛ dumi wuhi fuu, nɛ e ma ha yiblii ɔmɛ hu maa ba fuu konɛ nyɛ na eko nɛ nyɛ kɛ ye kɛ bua.
Mawu maa pee nyɛ niatsɛmɛ ngɛ nɔ́ tsuaa nɔ mi, nɛ nyɛɛ pee nihi nɛ a mi jɔ kɛ nɔ́ kemi be fɛɛ be konɛ ohiafo ɔmɛ a gu wa nɔ kɛ na Mawu si ngɛ nyɛ nike ni ɔmɛ a he.
Nyɛɛ sɛɛ Nutsɔ ɔ he ni ngɛ nyɛ kpɛti nɛ nyɛ je e yi kɛ yi jemi lahi kɛ mumi mi lahi, nɛ nyɛɛ fia saku, nɛ nyɛɛ je nyɛ tsui mi kɛ la kɛ ha Nutsɔ ɔ. Nyɛɛ na wa Mawu kɛ wa Tsɛ ɔ si daa ngɛ nɔ́ tsuaa nɔ he be fɛɛ be ngɛ wa Nutsɔ Yesu Kristo biɛ mi.
Nyɛɛ ba nyɛ he si kɛ ha nyɛ bi nɛ nyɛ kɛ wo Kristo hɛ mi nyami.
Benɛ ni ɔmɛ hi si ta a, Yesu wo abolo enuɔ ɔ kɛ lo tsɔwi enyɔ ɔ. E wo e hɛ mi nɔ nɛ e hyɛ hiɔwe, nɛ e jɔɔ nɔ. Jehanɛ ɔ, e poo mi nɛ e wo ngɔ ha e kaseli ɔmɛ nɛ a dla kɛ ha ni ɔmɛ. Ja a kɛ e ngɔ lo enyɔ ɔmɛ hu kɛ ha mɛ nɛ a dla. Niye ni ɔ su nɔ tsuaa nɔ nɛ a ye nɛ a tɔ.
Nɛ a kukuɔ niye ni ɔ sisi bibliwi nɛ e hyi kusii agboagbo nyɔngma kɛ enyɔ.