Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Ntsingumulumba Mulungu siku tseka kwajili yenyu kwasawuli avapelye henye wuwuya wake kukolela kwa Chilisito Yesu.
Lechelelo ahongetswaje Mulungu yo angutupela wusumi kukolela kwa Mutwa vetu Yesu Chilisito!
Lechelelo alumbwaje Mulungu yo atulongwitse bila kutuleka, atulongwitse mu lujendo lwa wusumi kwa kwihantsa na Chilisito. Mwene yo atuditaga tuwutagalitse chila hono wukweli wa Chilisito kota wununyililo wunofu.
Uyo Mulungu yo amupelaga mulimi nyadikwa ya kuyala na chilyo cha kulya, na hihyo akuvagavasila na kuvalutitsila na henye nyadikwa tsenyu tsa kuyala na kaha akutsotetsa na kutsikalagatsa, na kudita mubete filyo fyolofu kwasawuli ya uwo wuwuya wenyu. Nayo Mulungu akuvadita muve vafuchifu kwa chila chinu ili muve vanya lusungu chila luvala, ili kukolela kwa henye mwene alumbwe kwasawuli ya fifunje fyo mwaboche kuhuma kwa hetwe.
Nanye mwimbaje tsabuli na ntsimbo tsa kumutsumila Mulungu na ntsimbo tsinji tsa kulongontswa na Muhe va Mulungu. Mwimbaje na kumutsumila Mutwa mu numbula tsenyu. Siku tseka mumulumbaje Dada Mulungu kukolela kwa Mutwa Yesu Chilisito kwasawuli ya ndongwa tseka.
Chila munu an’ganika amuhesimilaje muyage, kwasawuli ya hesima yila wo vanayo kwa Chilisito.
Kahi Yesu akategulaje gala mabumunda gahanu na somba tsivili, akagalamilaje kilanga na kumulumba Mulungu na kugamegasa hamwe na tsila somba tsivili, akavapelaje vala vadahitswa vake vavagavasile vanu vala veka. Nawo vanu veka vakalyaje na kiguta. Vadahitswa va Yesu vakakong’asaje filyo fyo fisije, vakapataje fitangula fikomi kumi na fivili.