Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
A lihelene mitima mu pasi isiha ve. Ka mu mambu moosi, yabisaani mapondili ma benu huli Nzambi mu masambulu, mu manzayini, na mu pfutili matondo.
Me ndi mu upfutala matondo huli Nzambi, pasi taangu yi me ndi mu unzibwala moonyi mu benu.
Byosi bi benu luusa, mu mikuma buuve mu mavaanga, baasaani byosi mu nduhi a Pfumu Yisu mu pfutili matondo mu nde huli Nzambi Taata.
Bisu libaafutala matondo taangu yoosi huli Nzambi mu tooni a benu boosi, na libaatangula benu mu masambulu ma bisu. Bisu lili mu uyibwala moonyi pasi taangu ŋa busu bwa Nzambi Taata a bisu, mu tooni isalu hi imiinu hya benu, isalu hi litondo la benu, na kwadili a benu mu hiitu mu Pfumu a bisu Yisu Kristo.
Tangu yoosi, me umbaapfutala matondo huli Nzambi mu tooni a benu, mu hyese hi nde hasa benu ba laakangama mu Yisu Kristo.
Ka lifutalaani matondo huli Nzambi wu ubaava bisu mbiingili mu Pfumu a bisu Yisu Kristo!
Ka lifutalaani matondo huli Nzambi, mu tooni ati, nde li mu ubita bisu mu koonge a mbiingili itwadi na Kristo. Mu bisu, nde li mu uyabisa nduhi a Kristo huli baatu. Nzabisili mo yiina, yafwanina na tsulu yimbwe ya nyafi yi yili mu utsaamuha mu mambuha moosi.
Nzambi wu ubaava muhunu huli mukuni na lipa li libaabuungala nde, sa ava benu mu iteesi hi hyafulala, muhunu wu benu lili na nde nzala. Nde upfunasa na ukulasa muhunu, mana butsiitsa bwa benu bubuta mimbutu mi milahi. Nde ukitusa benu bisina mu moosi, mana benu libaakumbasa baatu hwavele ukolo. Buuna, baatu ba balahi buufutala matondo huli Nzambi, mu makabu ma benu, ma bisu luutoosele huli bo.
Baahwadasanaani mu mikuunga na nyimbu, na nyimbu Livupu. Yimbaani mikuunga na nyimbu mu uyuusa Pfumu mu mitima mya benu woosi. Baafutalaani matondo huli Nzambi Taata mu taangu yoosi, na mu moosi mu nduhi a Pfumu a bisu Yisu Kristo.
Siingaani uba hu tsina lituma la bana mu bana, mu tooni likiinzu li benu lili na lo mu Kristo.
Yisu avoli mapa ma mataanu na batswi baboole. Asiimbuli miisu hu yulu na asambili mu uvondo lisyeme. Titswene, atabuli mapa na aviidi mo huli bayihi, mu ukabila huli koonge a baatu. Yisu akabi kaka batswi baboole huli boosi. Boosi baadiidi na baaywaati. Na bayihi baatoli na baabehi byebe kuumi na byole bi byaluuli mu bitini bi mapa na bi batswi bi byasalili.