Agradecimento pela vida

6 Hedho affeexxi dada duuchcha

Duuchhci Woddika Gootta saaddowwaal;

Hallee luya.

Anjirallo Mageno Saadaa

1 Haallee luya;

Tee anxe lubbo Duuchchi Woddika Gootta saadi.

2 Ani anxe hedhoke baro duuchcha’n Duuchchi Woddika Gootta saadannon;

hedhenneke baro duuchcha’ninna Mageno anka faarsannon.

13 Ati anxa giddixxa manjumma dada’eetten;

anxe amake godobi giddo

loobbe’e anee daddetek ateten.

14 Ani maso mambe’ake kadee’e dademeennaxxee’e

ateee saadda’eennen;

huje atixxi mambe’aken;

tenneenna ani adda ege’neennen.

15 Ani sho’ik dademenne wodda

dhi’moo godobi giddo dademenne wodda

micci anki duuchchinna ati edo sho’eemabaan.

16 Ille atixxi, anxee amake godoba’ni munde ititebaa wodda anee affeen;

ani’a murendeexxi barruwwa

atike maxaafa’n borreeseende’een.

33 Anke baro duuchcha’n Duuchchi Woddike Gotta faarsaannon;

hedhoti hedhenne qico’n

Mageno anka galatik saadannon.

34 Gammashsho ani’a uwweek isote kademmaxxee’e

yaadi ankinna isoo gammachchiisowwaal.

3 Duuchchi Woddik Gootti Magenoke kadeexxa ege’ne;

no’oo isote dadeen; no’onna isiken;

tennexxee no’oo gedhebiinsha allala’neeke arda isiken.

4 Galateeffatina’ni isike galmixxa hula e’ye;

saaddina’ni isixxe baxxebaa me’we;

galata isi’a uutina’n summa isikanna saadde.

7 Ee, Magenoo! Atixxi jaalala hittatta manbe’iinxe;

manjiink belti duuchchi atike keelike gaaddisa’ni gollataan.

8 Atike minnika corba insa’nee’e itissatton;

atixxe gammashshoke lagika wodde’enna insa’nee ha’wissatton.

9 Hedhotixxi muumme atete kaddeettaaxxee

ifa atikenni ifa uundannon.

Galatiinxa Soodachcho

(Galmiinxe Eebba’a Faarsendeexxa Daawwitixxa Faaro)

1 Ee, Duuchchi Woddike Goottaa! Dhi’mo balenaa’n anee gatise’e naaphi ane’n gammadabaashsha assittetexxee

atee lummisee galateeffataannen.

2 Ee Duuchchi Woddike Gootta anke Magenoo! Anee gargaartota’a atee soodateennen;

atinna anee fayyissete.

3 Ee Duuchchi Woddike Goottaa! Reyotenaa’n anee fulchittete;

hiireesiinxe balenaa’ninna anee gatissete.

Dhuga’a Muraakee Mageni’a Shiqaaka Galata

1 Ee Duuchchi Woddike Goottaa! Ani ate’e shenitte qalbbenni galateffata’eennen;

hujjeteka mambe’a duuchanna haaso’aannen.

2 Ani ate’n gammada’nee, ilillisaa’enne; ee Dada Duuchchke Duuchchi Woddike Goottaa!

Atika summa faarsa’nee galateeffata’eenne.

20 Gootta Yessuusi Kiristoosike summinni duuchchiinxe yaane’a Mageno Aabii’i duuchchi wodda galateeffatte.

Kiristoosi’ni Afendaaxxa Hafuuriinxa Eebba

3 Iimike booncho’ni no’o’aa duuchchiinxa hafuuriinxa eebba uwweexxi Kiristoosi darree’n no’oo eebbiseeka Gootta no’oka Yessuusi Kiristoosika Anninna Mageni galateefatemowwaal!

15 Konne qicon hiyyendeexxi kullendabaaxxe isixxe uwwa Mageno galati gewowaali!

12 Ha’noonna ifiinxe moottumma giddo hedheeka qadaada Woyyooleti welti qoodendinaashsha ha’noo geessiseeka Mageno Aabii’i gammashshoti galateeffatte. 13 Mageni no’oo dukkanatixxe hunnanaa’ni fulcheexxi ookkone eeyyeemake ifike beltixxe mootumma’ni e’yinannoshsha asse’eeni. 14 Isixxe wodanninna no’oxxe cubboxxa gattowwaali alfineennen.

Yessuus Siretike Kadeexxa

15 Kiristoosi leellabaake Mageni’a dhugaatixxe fakken. Isi dada duuchchi edi darre angafaken. 16 Iimate’ninna buttate’n hedheechchiir, leellaachchiirinna leellabaachchiir, iimatixxi hunnuwwa, galchalluwwi, sooressuwwikinna baalloomiikiir duuchchi dademeeki isinniten. Iittanni Magen duuchchiinxa yaane dadedeek isinninna isi’aten. 17 Kiristoosi duuchchiinxe yaane edi darre hedhemman; duuchchiinxi yaane abidendeexxi uurriteek isinniten.

10 Atinna ittee godditatto wodda iitta hedheeka shamoka boga ati’a uuwweemmaxxe’e Duuchchi woddika Gootta atika Mageno galteeffati.

58 Ee, Dada Duuchchike Gootta! Anxe yaanexxe tukke kadde’e;

hedho anxa woddette.

6 Abbaayyati hunda sa’ennen;

ookkoonna duuchchi woddi’a sila gatannoshshatemman;

Ati kinni anke Duuchchi Woddike Gootta Mageno!

Wode’iinxe dhi’monaa’ni lubbondinni anee gatissetten.

7 «Hedho anxi butti’a higga’n me’ite wodda, Ee

Duuchchi Woddike Gootta atee qaabbatenne;

Soodachcho anxinna atike,

woyyichcha atike galmibaa iimi’a gelte.