Salmos 100

Mageno Galateefatatee’e Shiqeeka Ye’injo

Glatiinxa Faaroo

1 Buttate’n hexxineek arduwwi

duuchchi Duuchchi Woddike Gootti’a illillisse.

2 Duuchchi Woddika Gootta gammashshoti ergatemme;

gammashshotixxa faaro faarsitina’n isi edo shiqqe.

3 Duuchchi Woddik Gootti Magenoke kadeexxa ege’ne;

no’oo isote dadeen; no’onna isiken;

tennexxee no’oo gedhebiinsha allala’neeke arda isiken.

4 Galateeffatina’ni isike galmixxa hula e’ye;

saaddina’ni isixxe baxxebaa me’we;

galata isi’a uutina’n summa isikanna saadde.

5 Duuchchi Woddik Gootti eloken;

jaalala isixxinna xuurameessumma isixxi duuchchi woddixxen.✝100:5 1 Odo. 16:34; 2 Odo. 5:13; 7:3; Izr. 3:11; Far. 106:1; 107:1; 118:1; 136:1; Erm. 33:11.