1 Ee, Duuchchi Woddike Goottaa!

Ani balleessa mitte belo me'eennen ani'a mur;

elqe kayyanna leele'mebe'nongi atee addateennen.

2 Ee, Duuchchi Woddike Goottaa! Anee uudde hubatte'e

yaada ankanna godobixxa afi.

3 Ati anee sinsinnebelo duuchchi woodda eeta'eetexxa uude'eennen;

aninna dhugaa atixxe'n me'annon.

4 Dhariyyeti welti jaalomabe'non;

lame afo'ike manninninna mittoommabe'non.

5 Fuggaaleeyyetixxa bukki gibannon;

xaqartiyyetinna welti offo'labe'non.

6 Ee, Duuchchi Woddike Goottaa!

Balleessa hujebe'noxxa leellishatee'e anga anshedha'eennen;

ati'a tolchinammake boonchike qarqara'inna mammaremannon.

7 Galatiinxa faaro faarsati

hujjetexxa mambe'a hujuwwa duuchcha haaso'aannon.

8 Ee, Duuchchi Woddike Goottaa!

Ati hexxatoka minenna

atiki ulfinni hedheexxa bakka eeyyannon.

9 Lubbo anxa cubbaaleeyyeti

hedho anxanna munde dunaammake manninni welti balleessittoxxe'e.

10 Insa'nenna duuchchi wodda fuggoxxe hujatee hendaan;

matta adhdhateenna qophpheeffante'eeken.

11 Ante kadonnole kinni komatendabaaxxe hedho hedhennen;

Magenoo anee wodi; anee anjir.

12 Dirre bakka'n uurre'eennen;

ardi bukki hiyyeeba Duuchchi Woddika Gootta galateffatannon.