Faarotikaa Maxaafa 114

Isira’eelik Ardi Gibtsee’n Fuleeke, Fulatike Ayyaani’a shiqqeexxa Qaabbetixxa Faaro

Hallee luya

1 Isira’eelik ardi Gibtseen

Ya’iqoobixxe hortenna annafeeke lagadike ardanaa’ni fulde me’itee wodda,✝114:1 Fula. 12:51.

2 Yihuda galma Mageniinke

Isira’eelinna qadaada isike kadde.

3 Abbaayya affe, baajje,

Yordaanoosinna illee iima higge.✝114:3 Fula. 14:21; Iya. 3:16.

4 Koobuwwa gedhebiinxe korbeeyyeshsha

tullichcuwwikinna gedhebiinke buruusishsha xerefise.

5 Tee abbaayya ati baajetechchi

koo Yordaanoosi atinna illee iima higgeteechchi mayeete?

6 Ha’no koobuwwa gedhebiinxe korbeeyyeshsha

tullichchuwwikinna gedhebiinke buruusishsha xereffissineechchi mayeete?

7 Dada Duuchchike Gootti edo

Ya’iqoobike Mageni edo tee buttaa culphisi.

8 Isi rassa baleesiinba’a;

jaxxa kinonna wodeiinxe muummeba’a jijjiireeken.✝114:8 Fula. 17:1-7; Lak. 20:2-13.