1 Hallee luya

Mageno isixxe woyyitte bakka giddo saaddee;

isixxe hunnameette dhisendeexxe iimuwwaxxee'e isoo saaddee.

2 Isixxe lumoxxe hujexxee'e isoo saaddee;

yo'oshsha lumoke kadeemmaxxee'e isoo saaddee.

3 Malagatik isoo saaddee;

baganikinna masinqoti isoo saaddee.

4 Okolikinna kunbulsati isoo saaddee;

kiraarikinna suusu'leti isoo saaddee.

5 Qililisaake sibilinni isoo saaddee;

adda qiqqilisaake sibiluwwinni isoo saaddee.

6 Hedho affeexxi dada duuchcha

Duuchhci Woddika Gootta saaddowwaal;

Hallee luya.