1 Ee, Magenoo! Ati ani'aa muri;

atee addatabaake ardi edo ani'a baasi;

sobaaleeyyetenaa'ninna fuggaleeyyetenaa'n anee fulchi.

2 Magenoo! Ati ani itti gollatannoxxe anxe jabaxxe kollon

mayee'e anee waaldete?

Naaphi anee rakkisaa'naa mayeete yaada'ni hedhaannek?

3 Anee akeekkuun

atixxe woyyite koobaba'a, ati hexxatoke galmiba'a anee geessissuun,

Ifa atikanna dhugaa atixxa ergi.

4 Aninna Mageniinke tolchi boonchibaa

ani'a gammashsho uwwaake Magenibaa me'annon;

Ee, Magenoo, anke Magenoo atee bagana gana'ni saadannon.

5 Tee anxe lubboo mayee yaaddatto?

Mayeeteta ani giddo weekendaatechchi?

Magenonga heqqedhi;

anjirallo ankanna Mageno anka ani higee saadannon.