Faarotikaa Maxaafa 2

Mageni Fi’leeka Moyanjo

1 Mageno ege’nebaaki ardi mayeete diinakee’e bukki hiyya’neek?

Gosa gosak arduwwi tolanga mayeete yaane miciiraak?

2 Buttatiki moyanjuwwinna insaa’nek ja’laabuwwi

Duuchchi Woddiki Gootti hariireke’ninna Duuchchi Woddike Gootta’n fuggoxxa mari’ato’a bukki hiyye.✝2:2 Erga. Huj. 4:25-26.

3 Tennexxee, «Amme insa’nexxe galchaka haachaba no’oxxe lekkanaa’n tanshino;

wodaro insa’neexxanna kunte ifinaa’ni hunno» hine.

4 Iima mootete’ni hedheeki Gootti insa’ne oso’le;

insa’neke toliinke heduma’ninna gacifate.

5 Ookkoneechchi uduma Mageni mufe ifixxenni insa’nee xixaan;

yo’oshsha aarenna insa’nee sodachchisaan.

6 Tennexxee, «woyyitte anxa kooba Tsiyoon hana

fi’lennek moyanji mowaashsha assenne» hiyye.

7 Moyanjikinna ani Duuchchi Woddike Goottika seera lallabannon;

Megenikinna anee hiyyee qici, «Ati anke beltoni, ani telcho atee i’leennen;✝2:7 Erga. Huj. 13:33; Ibr. 1:5; 5:5.

8 Anee kadhati, gosa gosaki ardi duuchchi ati’a hiremaashsha assannon;

butta duuchchanna galchitota’a ati’a uwwannon.

9 Mootondetexxi, lekka atixxinni insa’nee hiribeessittaton;

faariinke miyishshanna insa’nee butuchchite bulleessittaton.»✝2:9 Wal. 2:26-27; 12:5; 19:15.

10 Tennexxee ha’no buttatike moyanjuwwaa konnee xixxichcho qalbeeffatte;

ha’no buttiki ja’labuwwinna tennee daabbachcho kassi hiyye.

11 Duuchchi Woddike Gootti’a soda’ati ergatemme;

culphisinna’ni isi’a hiremme.

12 Aare isixxi iikki woddi bubbammaxxee ha’noo mufate balleessabashsha

culphisina’ni isoo ulfeesse;

isoo gollake assedhaaka duuchcha eebbisaan.