Faarotikaa Maxaafa 124

Mageni Arida Ifika Heqqaake Kaddeexxa

Daawwitixxa Faaro

1 Isira’eelik ardi hiyyaa qici:

Duuchchi Woddik Gootti no’onni welti silaa hedhaa gopheele

2 Naaphi no’oo lolee wodda

Silaa Duuchchi Woddik Gootti no’onni hedhaa gopheele

3 Jabaxxe mufenni no’o’ni ke’ee wodda

silaani lubbondinn he’nee’naa no’oo liqiinseemman.

4 Lola’i no’oo gudhdhee me’eemman; dageeke wodi’i silaa no’oo buqeemmani.

5 Jabaki danbala’i silaa no’oo liqiinseemman.

6 Naaphakenaa’ni no’oo gatiseeka Duuchchi Woddika Gootta

galati geyo.

7 Lubbo no’oxxi ci’atishsha

adamaammakixxe fonxoronaa’ni fulchexxe’e

Fonxorotinna eqendeen;

no’onna leexxa fullennen.

8 No’oo gargaareek

iimmatanna butta dadeeke

Duuchchi Woddike Goottan.