1 Eee Duuchchi Woddike Goottaa! Haaso'a anka caqasi;

fooxxi hiyya anxanna laqi.

2 Eee Duuchchi Woddike Goottaa! Atibaa soodataannaxxee'e

gargaarsake soodatannoxxa anxa soodachcho laqi.

3 Ee Duuchchi Woddike Goottaa! Gorsa hafuura anka laqqaton;

gorsa gorsa'inni soodachcho anxee hiissittatoka hiissichcho heqqedhaanneni.

4 Ati cubbote'n gammaddatoke Magenobaan;

fuggaaleeyyenna atinni welti hexxabaan.

5 Hollaameeyye ati edo uura dandeettabaan;

fuggoxxa assaka duuchcha gibbaton.

6 Dhara haaso'aka duchcha birtatton;

manjo lubbo balleessaakanna sobaaleessa manna xireeffattatton.

7 Ani kinni atixxe lumoxxe gattowalinaa'n kexxeexxa mine atike'ni e'yannon;

woyyichcha atike dunkaan giddo atee ulfeessa'n magenofatannon.

8 Duuchchi Woddike Gooattaa! Heddo naapha afe'eennen;

tennexxee seera atike'n galona'a anee akeek;

ora atikanna ani edo ani'a qajeelchi.

9 Anke naaphiki haaso'i duuchchi mittikinna dhugaate kada gophemmaxxe'e,

afo'i insa'neek dhugaa'a haaso'abaan; godobi giddonna fuggoxxe

uggudhine'een; elobaaxxa haaso'at manna dedhinse reyaashsha assine;

arabi insaneekinna dhuga'a haaso'abaan.

10 Eee Magenoo naapha ankeeri'a huje isa'nexxishshanni uwwi;

xaqaro hunjammaxxi insa'ne'inni higgowwaal;

cubbo bira saxxeexxa hunja'ni ati'a jallantemmaxxee insa'nee balleessi

11 Ate'ni gollataaki duuchchi gammadowwaali;

duuchchi woddi'anna illillisowwaal;

atee eeyyaki duuchchi gammado'a insa'ne'a gollake kadi.

12 Duuchchi Woddike Goottaa ati qulliyye eebbissaton;

arjunte atixxenni atee eeyakanna wontete kadde'e gollittatton.