1 Ee Duuchchi Woddike Goottaa!

atike duunkaan giddo dande'e hedhaak ayyete?

Atixxe woyyitte kooba hana hedha dande'aak ayyete?

2 Ci'mendaaxxa hedho hedhabaakinna dhugaa calla hujaak;

arabi ifikenni dhugaa calla haaso'aak;

3 Wele manna hamatabaak;

jaaluwwa ifike'n fuggoxxa assabaak;

olla'iinke mannika summa balleessabaak;

4 Mageno eeyyabaaka manna tuffataak;

Duuchchi Woddike Gootti'a ajajemaakaara kinni ulfeesaak;

a'urteexxenna kaddoole werreegemmaka werreega muuxaak;

5 Malaqa ifika dhalakee'e liqessabaak;

balleessa afebaaka manna miidhatee matta adhdhabaak;

Tennee yaanuwwa assaak manji

nage'ik hedha malee'e haranga le'mabaan.